Yachayniyoq hinayá Kawsasunchik
1 Jesusmi tawa challwirukunata nirqa qatiqniykunaña kaychik nispa “Chaynata niykuptillanmi [...] Jesuswan pasarqaku” (Mat. 4:18-22). Tarso llaqtayoq Saulopas Cristopi iñiqña karuspan hinaspa ñawsayasqanmanta allinyaruspanmi chaylla ‘willakurqa huñunakunanku wasikunapi Jesucristomanta’ (Hech. 9:20). Chaymi tiemponchiktaqa mana yanqachananchikchu yachayniyoq hinam kawsananchik (Efe. 5:15, 16).
2 Sapakamapaqmi kan tiempo: Jehová Diosta serviy munasqanchik tiempoqa tukurunmanmi (Sant. 4:14). Manam pipas librakunmanchu “aswanqa sapakamapaqmi hamun tiempon” (Ecl. 9:11). Chaymantapas llapallanchikpas machuyaqmi kanchik. Kay pachapi ‘Mana allin tiempokunam’ Jehová Diosta serviyninchikta sasachan (Ecl. 12:1). Manam allinchu kanman Jehová Diosman qokunapaq unay tiempota demorayqa nitaq astawan servinapaq allin tiempotaraq suyaypas (Luc. 9:59-62). Abrahampas yachayniyoq hinam kawsakurqa: tukuy sonqonwan Jehová Diosta servispa chaymi yuyaq kayninpi hawkayayta tarirqa hinaspam “allin wañukuyta wañukurqa sinchi yuyaqña” (Gen. 25:8).
3 Manañam tiempo kanñachu: Tiemponchiktaqa allintam servichikunanchik ‘manaña tiempo kasqanrayku’ (1 Cor. 7:29-31). Tukuruchkanñam kay tiempopi mana allin kaqkunaqa chaynallataqmi Diosmanta willakuspa ovejaman rikchanachisqa runakunata ‘kay pachapi cosechaypas’ (Apo. 14:15). Chaynaqa imapi afanakuywanpas amayá Diosta servinapaq tiemponchiktaqa yanqachasunchu (Luc. 21:34, 35). Yuyarispaqa ¡maynatachá kusikusunchik ovejaman rikchanachisqa runakunata cosechaypi yanapasqanchikmanta!
4 Chaymi imapiña Diosta servinanchikpaq favorecesqa kaspaqa manam yanqachananchikchu tiemponchikta. Chaynaqa kallpanchakusunchikyá “Tiempo kachkaptinraqqa” Jehová Diosta servinapaq (Heb. 3:13). Chaynatamá yachayniyoq hina kawsasunchik “Diospa munasqanman hina ruraqmi wiñaypaq takyanqa” (1 Juan 2:17).