Kallpanchakuy Bibliamanta estudiota qonaykipaq
1 Jesusmi qatiqninkunata kaynata nirqa: “Qawariychik tarpusqakunata, ñam kachkan poqosqaña cosechanapaq”, nispa (Juan 4:35). Kayna nisqanqa tupanmi kunan tiemponchikpi cristianokunapa rurayninku achkallaña kasqanwan.
2 Sapa watapi achka runakuna bautizakusqanmi qawachin, Diosmanta yachay munaq runakunata hinalla tarisqanchikta. Bibliamanta estudio qoyta cheqaptapuni munaspaykiqa, ¿imatam rurawaq?
3 Kallpanchakuy: Puntataqa munanaykim Bibliamanta sapa semana estudio qoyta. Predicaq lloqsispaykiqa ama qonqaychu estudio qoy munasqaykita. Llapallanchikmi kallpanchakunanchik astawan predicanapaq hinaspa Bibliamanta estudio qonapaqpas, llamkay chaskisqanchikqa manam predicayllachu, runakunata yachachiypiwanmi (Mat. 24:14; 28:19, 20).
4 Imakunatawanmi rurawaq: Tukuy sonqomanta orakuypas allinpunim. Wakinpiqa kanmi Diosta reqsinankupaq oracionpi mañakuq runakuna. Jehová Diosta mañakuptinchikqa bendeciwasunmi paykunata tarinapaq hinaspa yachachinapaqpas (Hageo 2:7; Hech. 10:1, 2).
5 Huk cristianam Bibliamanta huk estudiota tarinanpaq oracionpi mañakurqa. Chaymi llamkasqanpi achka tratadokunata saqerqa runakuna rikunankupaq hina. Hinaptinmi chay tratadota huk warmi leeruspan, yanapakuyta mañakunanpaq qellqayta qallaykurqa, chaymi paninchikqa paywan rimarqa hinaspam Bibliamanta estudio qoyta qallaykurqa.
6 Bibliamanta estudio qallariypi hinaspa qoypipas allin experienciayoq wawqe-paninchikkunam kallpanchasunkiman estudiota tarinaykipaq. Estudiota maskaspaykiqa ama qonqaychu orakuyta hinaspa llapan yanapakuykunata servichikuytapas. Ichapas pisi tiempollamanta qampas kusisqa kawaq Bibliamanta estudiota qospayki.