‘Kachiwan tupachisqa hina [...] kachun rimasqaykichikqa’
1. ¿Ima ninantaq ‘Kachiwan tupachisqa hinam kanan rimasqanchik’ ninanqa?
1 “Kachiwan tupachisqa hina sumaqllañayá kachun rimasqaykichikpas, yachaychikyá sapakamaman imaynam allin contestaytapas” (Col. 4:6). Rimasqanchik kachiwan tupachisqa hina kaptinqa runakuna uyariwananchikpaq hinam sumaqllaña rimaynichikqa kanan. Kayna rimayqa allinpunim predicasqanchikpi kanqa.
2. ¿Imatam Jesusqa Rurarqa Samaria llaqtayoq warmita predicananpaq?
2 Jesusmanta yachasqanchik: Jesusmi pisiparuspan pozopa waqtanpi tiyachkaspa yakuman hamuq Samaria llaqtayoq warmita predicarqa. Parlasqankupim judiokunawan samaritanokuna cheqninakusqankumanta chay warmiqa rimasqankunapi qawachirqa. Chaymantapas segurotam rimarqa Jacobpa mirayninmanta kasqankuta Judio runakuna forasterokunapa mirayninmi Samaritanokunaqa nispa nichkaptinkupas. Chayna kaptinpas pacienciawanmi Jesusqa respetowan uyarirqa chaymi yachachisqanwan yanaparqa payta chaynataq llaqtanpi runakunatapas (Juan 4:7-15, 39).
3. Predicasqanchikpi, ¿imaynatataq Jesuspa ejemplonta qatikuchwan?
3 Predicaspanchikqa amayá qonqasunchikchu imanasqam: ‘sumaq allin noticiamanta willakusqanchikta’ (Rom. 10:15). Munanchikmi runakunaman allinninkupaq yachachiyta, chaymi paykunata predicaspaqa ima creesqankuta respetaspa predicananchik. Chaynataqmi predicasqanchikpa contranpi rimaptinqa manam yanqachanachu rimasqantaqa. Wasiyoqpa rimarisqan, ¿Imallapipas tupanmanchu predicasqanchikwan chayman hina kallpanchaykunanchikpaq? Ichapas Bibliamanta mayqan textotapas leeyta atichwan kaynata tapuykuspanchik: “¿Haykapillapas kayna nisqanpi piensarqankichu?” nispa.
4. ¿Imatam rurachwan mana respetowan contestawaptinchikqa?
4 ¿Runamasinchik mana respetowan rimaspa otaq atipanakuyllata munaptinqa? Chaynaqa rimayninchikwanmi hinaspa respetakuq kayninchikwan hinalla qawachinanchik kuyapayakuq llampusonqo kasqanchikta (2 Tim. 2:24, 25). Diospa Gobiernonmanta predicasqanchikta mana uyariyta munaptinkuqa respetowanmi pasakunanchik (Mat. 7:6; 10:11-14).
5. ¿Imapitaq tukurqa respetowan paninchikpa contestasqanqa?
5 Allinpi tukunqa: Huk paninchikmi vecinanta predicananpaq kallpanchakurqa, ichaqa vecinanmi millay siminwan kamispa mana uyariyta munarqachu. Respetowanmi paninchikqa vecinanta nirqa: “panpachaykuway manam piñakunaykitaqa munarqanichu. Qamyá allinlla kanki” nispa. Iskay semana qepatam, chay vecinanqa paninchikpa wasinpa punkunta takarqa chaymi disculpakuspan munarqa paninchikpa willay munasqanta uyariyta. Chaymi respetowan contestasqaqa allinpipuni tukunqa (Pro. 15:1; 25:15).
6. ¿Imanasqataq predicaspaqa ancha allinpuni kanman rimayninchikta kachiwan hina tupachiyqa?
6 Chaynaqa kallpanchakuyá rimaynikita kachiwan hina tupachispa Diospa allin noticianmanta predicasqaykipi. Runamasinchik mana uyariyta munaptinpas, ichapas huk kutipi wawqe-paninchik punkunta takaykuptinqa uyarinmanpas.