Diosqa munanmi paywan kuyachikunanchikta

Diosqa paywan kuyachikunanchiktam munan. Atiwaqmi tukuy unanchaq Dioswan kuyachikuytaqa. Ñawpaq tiempopim Abrahan sutiyuq runa Diospa kuyasqan karqa (Santiago 2:23). Bibliaqa willawanchiktaqmi chayna kuyachikuq warmikunamantawan qarikunamantapas, hinaspam bendicionkunata chaskirqaku. Kunanpas achka runakunam enteron pachapi Dioswan kuyachikunku. Qampas kuyachikuwaqmi.

Runakunawan kuyachikuymantaqa Dioswan kuyachikuymi aswan allinqa. Diosqa manam haykapipas kuyaqnintaqa saqinchu (Salmo 18:25). Dioswan kuyachikuyqa quri-qullqimantapas aswan allinmi. Apukuna wañuruptinqa hukkunañam qullqinwanqa qipakun. Ichaqa Dioswan kuyachikuqkunapaqqa quri-qullqi hinam Diospa kuyasqan kayqa, manam chaytaqa pipas qichunmanchu (Mateo 6:19).

Ichapas Diosmanta hinalla yachanaykita mana munanqakuchu. Mana munaqkunaqa kanmankum riqsisqaykikuna utaq aylluykikunapas (Mateo 10:36, 37). Sichum pipas qanmanta asikuptinqa utaq manchachisuptikiqa, tapukuy: “¿Pitam kusichiyta munani, runakunatachu icha Diostachu?”, nispa. Kaypi yuyaymanay: Pipas “amaña mikuychu” nisuptikiqa, ¿kasuwaqchu? Manamá. Kawsanapaqqa mikunanchikmi. Diosqa wiñay kawsaytam qusunki. Chaynaqa, hinallayá yachay Diosmanta, hinaspapas amayá imawanpas harkachikuychu (Juan 17:3).