88 kaq taki
Warmakunaqa Diospa qosqan herenciam
Edición impresa
1. Tayta-mamaña kaspaqa
manam haykaqpas qonqanankuchu
wawa-churikunaqa Diospa
qosqan herencia kasqanta.
Jehová Diosmi vidata qorqa
unanchawaqninchik kasqanrayku.
Tayta-mamatam Dios yachachin
allinllata uywanankupaq.
(CORO)
Qoykusunkim chanin premiota
kuyaspa uywanaykipaq.
Diospaq hina uywaspaykiqa,
allintam yanapachkanki.
2. Sonqoykipim churanayki
Diospa yachachikuyninkunata.
Yachachinaykim warmaykiman,
Diosmi qanman qoykusunki.
Sapa kutim yachachinayki
purispapas, wasipi kaspapas.
Tukuy tiempomá yuyanqaku
Diospaq hina uywasqaykita.
(CORO)
Qoykusunkim chanin premiota
kuyaspa uywanaykipaq.
Diospaq hina uywaspaykiqa,
allintam yanapachkanki.
(Qawariytaq Deu. 6:6, 7; Efe. 6:4; 1 Tim. 4:16.)