Allinta yanapanapaq Yachananchikmi imayna tapuyta

¿IMANASQATAQ ANCHA ALLIN? Runakunapa sunqunkupi ima piensasqankuqa uku-uku pozopi yaku hinam, ichaqa chay pozomanta yakuta hurquchkan hinam tapuspanchik yachachwan imam piensasqanta (Pr 20:5). Allinta tapuptinchikqa uyariwaqninchikmi yachachisqanchikmanta rimarinqa. Chaynata yachachispanchikqa yachasunmi ima piensasqankuta. Jesusqa yachaqmi imayna tapuyta. ¿Imaynatam payta qatipakuchwan?

¿IMAYNATAM RUWACHWAN?

• Ima piensasqanmanta rimarinanpaq tapuy. Jesusqa achka tapukuykunatam ruwarqa qatiqninkunapa ima piensasqanta yachananpaq (Mt 16:13-16; be pag. 238 § 2-4). ¿Imaynatam qamqa tapuwaq yachachisqayki runa ima piensasqanmanta rimarinanpaq?

• Achka tapukuykunata ruway yachachisqaykita entiendenanpaq. Pedroqa manam allintachu entiendechkarqa, chaymi Jesusqa achka tapukuykunata ruwarqa allinta entiendenanpaq (Mt 17:24-26). ¿Ima tapukuykunatam qamqa ruwawaq yachachisqayki runa imapas yachachisqaykita allinta entiendenanpaq?

• Alabaykuy ima nisqanmanta. Jesusqa alabaykurqam ‘yachaywan’ huk escriba kutichisqanmanta (Mr 12:34). Tapusqayki runa ima entiendesqanmanta rimarimuptinqa, ¿ima niwaqtaq?

JESUCRISTOPA RUWAY QALLARISQANTAYÁ HINALLA RUWASUN: DIOSMANTA WILLAKUSPA, NIQ VIDEOPA PUNTA KAQ PARTENTA QAWARUSPAYKI KAY TAPUKUYKUNATA KUTICHIY:

• Yachachiqqa allintam willarqa, ichaqa ¿imanasqataq mana allinchu imayna yachachisqanqa?

• ¿Imanasqataq mana yachachiqllachu rimanan?

VIDEOPA ISKAY KAQ PARTENTA QAWARUSPA KAY TAPUKUYKUNATA KUTICHIY:

• ¿Imanasqataq nichwan yachachiqqa allinta tapusqanmanta?

• ¿Imaynatam yachachiqta qatipakuchwan allinta yachachinapaq?