BIBLIAMANTA ASTAWAN YACHANAPAQ | MATEO 18, 19

Amayá huchallikusunchu nitaq hukkunatapas huchamanqa tanqaykusunchu

Jesusmi niwarqanchik hukkunata huchaman tanqayqa chaynataq huchaman aysawaqninchik kaqwan apachikuyqa llumpay mana allin kasqanta, chayta entiendenapaqmi rikchanachiykunawan rimarqa.

18:6, 7

“Pantachikuykuna” nispanqa rimachkan huk runa imapas ruwasqanwan runamasinta huchaman tanqasqanmantam.
Runamasinchikta huchallichinamantaqa aswan allinqa kanman molino rumita kunkanchikman watakuruspa lamar quchaman pawaykuymi.

Asnom molino rumita muyuchichkan, huk runatañataqmi kunkanman molino rumita wataykuspanku lamar quchaman wischuykunku — Kutanapaq molino rumi

18:8, 9

Jesusmi qatiqninkunata nirqa sichum huknin makinku utaq huknin ñawinku huchallichiptinqa hurqukurunankupaq.
Aswan allinqa huknin ñawiyuqlla utaq huknin chakiyuqlla Diospa munaychakuyninman yaykuymi, sanolla cuerpoyuq gehena nisqanpi tukunamantaqa.

¿Imataq huchaman aysawachkanman? ¿Imatam ruwayman mana wichiykunaypaq utaq hukkunata huchaman mana tanqaykunaypaq?