1 KAQ YACHACHIKUY

Rimasqanchikta imayna qallarinapaq

Hechos 17:22

Rimayta qallarisqanchikqa chaylla uyariwananchikpaq hinam kanan. Imamanta yachachisqanchikpas chaynataq imanasqa allinninkupaq kasqanpas sutillam kanan.

¿IMAYNATAM RUWACHWAN?

Chaylla uyariwananchikpaq hinam rimana. Chaypaqqa tapukuywanpas qallarichwanmi. Willachwantaqmi imapas uyariy munasqankumanta: Chayqa kanmanmi radiopi utaq televisionpi ima willakuypas.

Ñawpaqmantaraq allinta yuyaymanasun uyariwaqninchikkuna imamanta yachay munasqankupi utaq ima llakichisqanpipas. Hinaspañataq qallarinapaq rimayninchikta chayman hina ruwasun.
Imamanta rimasqanchikqa sutillam kanan. Chayllaraq rimayta qallarisqanchikwanmi uyariwaqninchikqa yachananña imamanta rimay munasqanchikta.
Imanasqa allinninkupaq kasqanpas sutillam kanan. Yachachisqanchikqa uyariwaqninchikkunata yanapananpaq hinam kanan. Sutillatataqmi sapakama musyakunanku yanapananpaq hina kasqanta.

Yachachinanchik kaptinqa, ñawpaqmantaraqmi kaynata tapukuna: “¿Ima sasachakuykunapim iñiqmasiykuna tarikunku?”, nispa. Hinaspañataq chayman hina imayna qallarinapaq tantiana.