Tapukuykunatam ruwana

Mateo 16:13-16

Tapukuykunata ruwayqa allinpunim pipas sumaqta uyariwananchikpaq. Allintaqmi piensarichinapaq hinaspa allinta yachachinapaqpas.

¿IMAYNATAM RUWACHWAN?

• Chaylla uyariwananchikpaqmi tapukuyta ruwana. Chaypaqqa, yachay munananpaq hinaspa allinta piensarinanpaq hina tapukuykunatam ruwananchik.

• Imapas yachachisqanchikmantam piensarichina. Uyariwaqninchikta allinta yachachinapaqqa, achka tapukuykunawanmi piensarichina chaynapi ima yachachisqanchikta musyakunankupaq.

• Yachananpaq kaqkunatam qawachina. Ima yachachinanchikmanta manaraq rimachkaspam, chaymanta yachay munananpaq hina huk tapukuyta ruwachwan. Chaymantapas, yachachisqanchikta manaraq tukuchkaspam tapukuykunawan yuyarichina.