2 KAQ YACHACHIKUY

Rimasqanchikman hinallam rimana

2 Corintios 2:17

Ama hukkunapa rimasqankuta qatipakuspa imayna rimasqanchikman hinalla sunqumanta rimasun. Chaynatam qawachisun yachachiy munasqanchikta.

Diostam mañakuna hinaspapas allintam yachana. Jehova Diostam mañakuna mana manchapakuspa yachachinapaq. Allintam yachana tukuy yachachinanchik kaqkunamanta. Rimananchikpaq qillqasqanchikkunaqa manam imam kaqta ñawinchaspa rimanapaqchu, aswanqa yuyarinallapaqmi.

Bibliata utaq qillqanchikkunata ñawinchananchik kaptinqa, ima yachachisqanmantam allinta yachana, chaynapi sumaqta ñawinchanapaq. Chay qillqapi bibliapa nisqankuna kaptinqa, sunqumantam ñawinchana.
Sunqumantam rimana. Chaypaqqa, yuyaymananam runakunata bibliamanta yachachisqanchik imayna yanapananpi. Chay ruwaymi yanapawasun imayna rimasqanchik hinaspa yachachisqanchikpas sunqumanta kananpaq.

Rimasqanchikman hinalla rimaspaqa, amayá llutantaqa rimasunchu. Diosmanta yachachisqanchik sumaq kananpaqqa allintam rimananchik.
Uyariwaqninchikkunatam qawana. Uyariwaqninchikta qawarispam rimana. Huñunakuypi yachachispaqa allinmi kanman sapakamata qawarispa yachachiyninchik.