PIWANPAS RIMAYTA QALLARISPA
2 YACHACHIKUY
Riqsisqanchikwan hina rimasun
Bibliapim nin: ‘¡Mayna sumaqmi tiempollanpi rimariyqa!’, nispa (Prov. 15:23).
¿Imatam Felipe ruwarqa?
1. Qawaykuy VIDEOTA utaq leeykuy Hechos 8:30, 31 nisqanta. Chaymantañataq qatiqnin tapukuykunapi yuyaymanay:
¿Imata nispam Felipeqa rimapayayta qallaykurqa?
¿Imanasqataq allin karqa ima ruwasqanta qawaspan bibliamanta yachachisqanqa?
¿Imatam Felipemanta yachachwan?
2. Imatapas ruwasqanman hina utaq riqsisqanchikwan hina rimaptinchikqa yaqapaschá uyariwasun.
Felipeta qatipakuy
3. Allinta qawariy. ¿Llakisqachu, kusisqachu icha imaynam kachkan rimapayasqayki runa? ¿Rimayta munanmanchu? Bibliamanta yachachiyta qallaykunaykipaqmi niwaq: “¿Yacharqankichu…?”, nispa. Rimayta mana munaptinqa ama hikutaychu.
4. Ama bibliamantaqa chayllachu rimapayay. Ama piensaychu: “Bibliamantam chaylla rimapayanay”, nispaqa. Bibliamanta willanaykipaqqa ichapas suyanayki kanqa, imatapas willakusuptikim chayman hina bibliamanta willawaq. Ichapas huk kutipi tupaspaña willanayki kanqa.
5. Munasqanmanta rimay. Ichapas preparakurqankiña imamanta rimanaykipaq, ichaqa uyarisuqniki imapas preocupasqanmanta rimayta qallaykunman. Chayna kaptinqa preparakusqaykimanta rimanaykimantaqa paypa imapas preocupasqanmanta rimanaykipaq kallpanchakuy.