PIWANPAS RIMAYTA QALLARISPA
3 YACHACHIKUY
Kuyakuq kasun
Bibliapim nin: “Kuyakuq runaqa […] allin sunquyuqmi”, nispa (1 Cor. 13:4).
¿Imatam Jesus ruwarqa?
1. Qawaykuy VIDEOTA utaq leeykuy Juan 9:1-7 nisqanta. Chaymantañataq qatiqnin tapukuykunapi yuyaymanay:
¿Imatam Jesusqa puntata ruwarqa: Ñawsa runatachu hampiykurqa icha Diosmantachu willaykurqa? (Leeykuy Juan 9:35-38 nisqanta).
¿Imanasqataq chay runaqa Jesusta uyarirqa?
¿Imatam Jesusmanta yachachwan?
2. Runamasinchikkunaqa uyariykuwasunmi paykunapi preocupakusqanchikta cuentata qukuspankuqa.
Jesusta qatipakuy
3. Imayna sientekusqanpi piensay. Runamasinchik imayna sientekusqanpim piensanayki.
Tapukuy: “¿Imakunawantaq preocupasqa kachkanman? ¿Imakunamantataq yachayta munanman?”, nispa. Chaypi piensaymi yanapasunki kuyakuywan hinaspa sunqumanta rimapayanaykipaq.
Imapas nisqanta atencionwan uyariy, chaynapim cuentata qukunqa paymanta preocupakusqaykita. Imayna sientekusqanmanta utaq llakinmanta willakusuptikiqa ama huk asuntomantaqa rimaychu.
4. Kuyakuywan hinaspa respetowan rimay. Pitapas llakipayasqanchikqa chaynataq sunqumanta yanapaykuyta munasqanchikqa imayna rimapayasqanchikpim sutilla qawakun. Chaymi allinta piensarinayki imata ninaykipaq hinaspa imaynata ninaykipaq. Ama imatapas niychu sientikunanpaq hinaqa.
5. Niwaqmi yanapaykunaykipaq. Atikuptinqa necesitasqanman hinam yanapaykuwaq. Imapipas yanapaykuptikiqa willasqaykitam uyariyta munanqa.