48 YACHACHIKUY
¿Imaynatam allin amistadkunata tarichwan?
Allin amistadniyuqkuna kaspaqa kusisqam kanchik. Paykunawan kaspaqa ima llakinchiktapas qunqaykunchikraqmi. Chaymi allin runakunallata akllananchik llakinchikmantawan kusikuyninchikmanta willakunapaq chaynataq pukllananchikpaqpas. Chaynaqa, ¿imayna runakunatam amistadninchikpaq akllakuchwan? Chaykunamantayá yachaykusun.
1. ¿Imanasqataq allin kawsakuq runakunallawan amistad kananchik?
Mana allin ruwaq runakunawan llumpayta hukllawakuspaqa paykuna hina kaytañam qallaykuchwan. Paykunawan kuska parlaspapas, pukllaspapas utaq internetninta rimaspapas paykuna hina kaytam qallaykuchwan. Chaymi bibliapi niwanchik: “Yachayniyuqkunawan hukllawakuqqa yachayniyuqmi kanqa, mana yuyayniyuq sonso runakunawan hukllawakuqmi ichaqa sasachakuypi kanqa”, nispa (Proverbios 13:20). Jehova Diosta kuyaq runakunam yanapawanchik Diosta kuyanapaq hinaspa imapaqpas allinta tantiakunapaq. Mana allin runakunawan amistad kaspam ichaqa Jehova Diosmantapas karunchakuruchwan. Chaymi bibliapiqa niwanchik allin runakunallawan amistad kanapaq. Amistadninchikkuna Jehova Diosta kuyaspankuqa yanapawasunmi ‘hinalla kallpanchanakunanchikpaq hinaspa yanapanakunanchikpaq’ (1 Tesalonicenses 5:11).
2. ¿Imayna amistad akllananchiktataq Jehova Diosqa munan?
Jehova Diosqa kuyan allin kawsakuq runakunallatam. Chaymi bibliapi nin: “Mana allin ruwaq runataqa Jehova Diosqa chiqninmi, allin ruwaq runakunatam ichaqa kuyan”, nispa (Proverbios 3:32). Chiqnisqan runakunawan astawan hukllawakuptinchikqa Jehova Diosqa anchatam llakikunqa (leey Santiago 4:4). Paykunawan mana amistad kaptinchikmi ichaqa anchata kusikunqa, hinaspapas paypa kuyasqanmi kasunchik (Salmos 15:1-4).
ASTAWAN YACHAYKUSUN
Allin runakunallawanmi amistadqa kananchik, chayna kaptinqa kawsakuyninchikpas sumaqmi kanqa. Chaymantayá yachaykusun.
3. Mana allin amistadkunawanqa ama hukllawakuychu
Mana allin runakunaqa Diostaqa manam kuyankuchu nitaq kasukunkuchu. VIDEOTA qawaykuychik hinaspa qatiqninmanta rimariychik:
¿Imaynatam mana cuentata qukuspalla mana allin runakunawan amistad kayta qallaykuchwan?
Leeychik 1 Corintios 15:33 hinaspa qatiqninmanta rimariychik:
¿Imayna runakunawantaq mana amistad kanaykichu? ¿Imanasqa?
Leeychik Salmos 119:63 hinaspa qatiqninmanta rimariychik:
¿Imayna runawantaq amistad kanayki?
Ismusqa frutaqa sano frutakunatapas ismurachinmi. Chaynaqa, ¿allinchu kawaq mana allin amistadniyuq kaspayki?
4. Manam wiñaymasillanchikwanchu amistadqa kananchik
Bibliapim willawanchik Davidmantawan Jonatanmanta. Paykunapa imayna uywasqa kasqanku hinaspa hayka watayuq kasqanku mana chaynalla kaptinpas allin amistadmi karqaku. Leeychik 1 Samuel 18:1 hinaspa qatiqninmanta rimariychik:
¿Imanasqataq mana wiñaymasillanchikwanchu utaq ñuqanchik hina kaqkunallawanchu amistadqa kananchik?
Leeychik Romanos 1:11, 12 hinaspa qatiqninmanta rimariychik:
Jehova Diosta kuyaq amistadkunaqa, ¿imaynatam kallpanchanakunku?
¿Imaynatam huk musu tarirurqa amistadninta? VIDEOTA qawaykuychik hinaspa qatiqninmanta rimariychik:
Akilpa tayta-mamanqa, ¿imanasqataq estudiaqmasinkunawan amistad kasqanta mana allinpaqchu hapirqa?
¿Imanasqataq qallariypiqa Akilpaq allin karqa chay amistadninkuna?
¿Imatam ruwarqa mana sapallan hina tarikunanpaq?
5. ¿Pikunawantaq amistad kananchik?
Amistadninchikkunaqa allin runakunam kanan, chaynam ñuqanchikpas kananchik. VIDEOTA qawaykuychik.
Leeychik Proverbios 18:24 hinaspa 27:17, chaymantañataq qatiqninmanta rimariychik:
¿Imaynatam yanapanakunku allin amistadkunaqa?
¿Proverbios libropa nisqanman hinachu amistadnikikuna? Mana chayna kaptinqa, ¿imaynatam tariwaq?
Leeychik Filipenses 2:4 hinaspa qatiqninmanta rimariychik:
Allin amistadniyuq kanaykipaqqa qampas chaynam kanayki. ¿Imakunatam chaypaq ruwawaq?
Allin amistadniyuq kanaykipaqqa qampas allin amistadmi kanayki.
WAKIN RUNAKUNAM NINKU: “Sapallay kanaymantaqa pillawanpas amistad kaymi allinqa”, nispanku.
Qamqa, ¿ima ninkitaq?
YUYARIYKUSUN
Allin amistadniyuq kaspaqa allinmi kasun, Jehova Diostapas kusichisunmi.
¿Ima niwaqtaq?
¿Imanasqataq Jehova Diosqa munan allin runakunallawan amistad kananchikta?
¿Imayna runakunataq mana amistadninchikchu kanan?
¿Imataq yanapasunkiman allin amistadkunata armanaykipaq?
ASTAWAN YACHANAYKIPAQ
¿Imaynatam allin amistadkunaqa sasachakuy tiempopipas yanapaykuwachwan? Chaymantayá yachaykuy.
Allin amistadkuna imayna tarinamanta yachaykuy.
¿Allinchu internetpi amistadkuna maskay? Chaymanta kay videopi qawaykuy.
“Taytayuq kaytam munarqani” niqpi yachaykuy huk runa mana allin amistadninkunata saqisqanmanta.
“Bibliam imayna kawsasqanta cambiarqa” (Tarinkim jw.org nisqanpi)