¿Kanmanchu mayqen religionpas confianapaq?

Yaqapaschá mayqen religionpas hukmanyachisusqaykirayku manaña mayqenpipas confiankiñachu. Ichaqa kanmi confianapaq huk religion. Jesusmi kay pachapi kaspan huk religionta qallarichirqa, chay religionpi kaq discipulonkunamanmi yachachirqa Diospa kamachisqanman hina kawsanankupaq. Kay tiempopipas kanraqmi cheqap cristianokunaqa, paykunaqa tukuy sonqonkuwanmi kallpanchakunku Diospa kamachisqanman hina kawsanankupaq. ¿Pikunataq kanmanku?

Kay yachachikuypa qallariyninpim Estelamanta rimamurqanchik, paymi nin: “Jehova Diospa testigonkunawanmi Biblia estudiayta qallaykurqani. Chaymi entienderurqani Juan 8:32 nisqanta, chaypim nin: ‘Yachankichikmi cheqap kaqmanta, chay cheqapmi libreyachisunkichik’”, nispa.

Ramonpas ninmi: “Testigokunam Bibliawan yachachiwarqaku Diosqa imawanpas mana ñakarichiwasqanchikmanta. Diosqa saqenmi imanasqa tukuy mana allinkuna kananta, ichaqa prometentaqmi chaykunata chaylla chinkachinanpaqpas”, nispa.

Jehova Diosta mana kasukuq runakunapa kasqanpim kawsanchik, chaymi payta kasukuyqa sasa. Kallpanchakuspaqa atisunmi kamachisqanman hina kawsayta. Diospa kamachisqankunata yachanankupaq yanapanatam achka runakuna necesitanku chaynataq yachasqankuta kasukunankupaq yanapanatapas. Chaymi Jehova Diospa testigonkunaqa enteron Pachapi wara-waranqantin runakunaman Bibliamanta mana qollqellapaq wasinkupi sapa semana yachachinku. Achka runakunam Bibliapa ima yachachisqanmanta yachachkanku, chaywanmi Jehova Diosman asuykuspa kusisqa kawsakuchkanku.a

Yapapi paykunawan rimaspaqa tapuy, imanasqa religionninkupi confiasqankumanta. Imakunamanta yachachisqankupi chaynataq imayna kawsasqankupi reparay hinaspa kikiki tanteakuy confianapaq otaq mana confianapaq kasqankupi.