Achkam salvakunqaku ¿qampas salvakunkichu?

Puchukay punchawmantam biblia nin: “Chay punchawkunapiqa hatun ñakariymi kakunqa, chayna ñakariyqa kay pachata qallariyninmantapuni kunankamapas manam karqachu [...]. Sichu chay ñakariy punchawkuna mana asllayachisqa kaptinqa manachá pipas wañuymanta librakunmanchu”, nispa (Mateo 24:21, 22, CQ12). Willawanchiktaqmi wakin runakuna salvakunankumanta, ninmi: ‘Kay pachapi mana allin ruwaykunawan mana allin munaykunaqa tukuruqllam, Diospa munasqanman hina ruwaqmi ichaqa wiñaypaq takyanqa’, nispa (1 Juan 2:17).

¿Imatam ruwananchik salvakuyta munaspaqa? ¿Huñunanchikchu qullqitawan achka kawsaykunata? Manam. Bibliam kaynata niwanchik: ‘Tukuy kaqkunapas chayna chinkanan kachkaptinqa ¡mayna chuya sunqum Diosta servispa kawsanaykichik! Diospa punchawnin chayamunanta suyaspanchik’, nispa (2 Pedro 3:10-12). Kay pachapi ‘chinkachisqa kaqkuna’ imakuna kasqanta yachanapaqmi yanapawanchik kay qawasqanchik textomanta wakin textokuna, chay chinkachisqa kaqkunaqa kanqa kay pachapi gobiernokunam chaynataq paykunaman sayapakuspa Diospa munaychakuyninta qipanchaqkunam. Arí, qullqiyuq utaq kapuqniyuq kayqa manam salvawanchikmanchu.

Salvakuytaqa atisun Diospa munasqanman hina kawsaspam chaynataq paymanta mana karunchakuspallam (Sofonias 2:3). Tukupay tiempopiña kawsasqanchikta mana kaqpaqpas hapiq runakunata qatipakunamantaqa, rikchan-rikchanllayá ‘Diospa punchawnin chayamunanta suyasun’. Jehova Diospa testigonkunam yachachisunkiman chay punchawpi librasqa kanaykipaq imakuna ruwanaykimanta.