Job
30 ”Kunanqa noqamanta aswan waynakunan asipayawanku.+
Paykunaq taytantaqa manan ovejayta cuidaq alqokunallatawanpas tiyachiymanchu karqan.
2 Kallpayoqña kanku chaypas, ¿imapaqmi kallpanku valen?
Paykunaq kallpanqa ñan tukukapunña.
3 Paykunaqqa manan imankupas kanchu,
ch’aki pampapi tarisqankutan khaskanku,
wijch’usqata tarisqankutan mijunku.
4 Sach’a ukhukunamantan kachi qorakunata pallanku,
retamaq saphillantan mijunku.
5 Llaqtankumantapas qarqosqan kanku,+
runakunapas suwata jinaraqmi millayta k’aminku.
6 Paykunaqa wayq’o qhatakunapin tiyanku,
pampa t’oqokunapi, qaqa t’oqokunapin tiyanku.
7 Sach’a-sach’a ukhumantan qaparimunku,
kisa-kisa ukhupin montokunku.
8 Mana yuyayniyoq runakuna jinan llaqtamanta qarqosqa kapunku,
mana sutiyoq wawa jinan llaqtamanta wijch’usqa kapunku.
11 Diosmi kallpayta pisiyachipun, paymi k’umuykachiwan;
chayraykun paykunaqa ñaupaypi imaymanata ruwashanku.
12 Paña ladoymanmi noqa contra juñukamunku,
manchachispan phawachiwanku,
ayqekuqtiypas chinkachiwayta munaspan jark’awanku.
13 Ñanniykunatapas thuninkun,
astawanmi sinchi llakiman churawanku,+
manan paykunataqa pipas jark’anchu.
14 Thunisqa perqanta jinaraqmi jaykumunku,
thunisqa chaupintan purinku.
15 Manchakuymi muyuykuwan,
respetasqa kasqaypas wayra jinan pasapun,
salvasqa kanaypas phuyu jinan chinkapun.
18 P’achaymi sinchi kallpawan chutarikun,
mat’i kunkayoq p’acha jinan mukiwan.
19 Diosmi t’uruman wijch’uykuwan;
ñut’u jallp’a jinan, uspha jinan kapuni.
20 Noqaqa waqasparaqmi yanapayniykita mañakamuni,
ichaqa manan uyarimuwankichu;+
ñaupaykipi sayaykuspan yanapayniykita mañakamuni,
qanmi ichaqa jinalla qhawamuwanki.
21 Noqa contran sinchi phiñasqa sayarinki;+
tukuy kallpaykiwanmi noqa contra phawaykamunki.
22 Qanmi oqarispa wayrawan apachiwanki,
sinchi wayrawanmi kayman jaqayman apachiwanki.
23 Allintan yachani wañuyman uraykachiwanaykita,
llapa wañuqkunaq samanan wasiman jaykuchiwanaykita.
24 Manan pipas atipasqa runamanqa phawaykunmanchu,+
manan pipas yanapayta mañakuq runamanqa phawaykunmanchu.
25 ¿Manachu waqarqani sinchi llakikuykunapi tarikuq runakunamanta?
¿Manachu llakikurqani mana imayoq wajcha runamanta?+
26 Allin kaqtan suyakusharqani, mana allin kaqtaq chayamuwan,
k’anchaytan suyakusharqani, laqhayaqtaq* chayamuwan.
27 Sinchi llakikuyllapin kashani,
sonqoypi llakikuykunaqa manan chinkanchu.
28 Llakisqallan purini wichaymanpas uraymanpas,+
noqapaqqa manan intipas k’anchanchu.
Jatarispaymi qaparispa yanapayta mañakuni,
runa qayllapin yanapayta mañakuni.
29 Kunanqa monte alqoq wayqenmi kapuni,
avestruz animalkunaq amigonmi kapuni.+
30 Aycha qaraypas yanaman tukuspan t’eqwarikapushan.+
Tulluykunapas sinchitapunin* rupharishan.
31 Arpaytapas wañuq kallaqtinmi tocanku,
flautaytapas* llakikuy kallaqtinmi tocanku.