Salmos
148 ¡Jehová* Diosta jatunchaychis!*
Cielopi kaqkuna Jehová Diosta jatunchaychis,+
llapa wichaypi kaqkuna payta alabaychis.
2 Angelninkunapas llapaykichis payta jatunchaychis.+
Janaq pacha ejercitokuna payta alabaychis.+
3 Intipas killapas payta jatunchaychis,
ch’askakunapas llapaykichis alabaychis.+
4 Payta jatunchaychis cieloq altonkuna,
cieloq altonpi kaq unukuna.
5 Llapa chaykuna Jehová Diosta sutinmanta jatunchachunku;
paypa kamachikusqanmi chaykunaqa kamasqa karqan.+
7 Jallp’a pachapi kaqkuna, Jehová Diosta jatunchaychis,
lamar-qocha ukhukuna, chaypi manchay animalkuna, payta alabaychis.
8 Qankunapas llifllikiykuna, chijchikuna,
rit’ikuna, yana phuyukuna payta alabaychis;
qanpas siminta kasukuq manchay jatun wayra, Diosta alabay.+
9 Qankunapas orqokuna, moqokuna,+
fruta sach’akuna, llapa cedro sach’akuna,+
10 salqa animalkuna,+ llapa uywakuna,
pampanta suchuq animalkuna, phalaq animalkuna,
11 kay pacha reykuna, llapa nacionkuna,
umallikuna, kay pachapi juezkuna,+
12 waynakuna, doncella sipaskuna,*
kuraqkuna, wayna-sipaskuna,
llapaykichis Diosta jatunchaychis.
Qhapaq atiyninqa kay pachamantapas, cielomantapas aswan jatunmi.+
14 Paymi llaqtanman atiyta yapanqa,
chhaynapin pay sonqo kaqkunaqa jatunchasqa kanqaku,
llapa Israelpa churinkunan, payman k’askakuqkunan alabasqa kanqaku.