Salmos
Davidpa takin.
35 Diosníy Jehová, noqa contra jatariqkunamanta jark’aykuway,+
noqa contra jatariqkunawan maqanakuy.+
2 Jark’apakuna escudokunata jap’iy,
jatuntawan juch’uytawan* jap’iy,+
noqata jark’aykuwanaykipaq jatariy.+
3 Maqanakunayki lanzata, hachata oqariy,
qatikachawaq runakuna contra oqariy.+
Niykuway: “Noqan qespichiqniykiqa kani”,+ nispa.
4 Wañuchiyta munawaqkunaqa pisichasqa p’enqachisqa kachunku.+
Chinkachiyta munawaqkunaqa p’enqasqa kutipuchunku.
5 Wayraq apakachasqan q’opa* jina kachunku.
Jehová Diospa angelnin paykunata qarqopuchun.+
6 Ñanninkupas laqhayaqman,* llusk’aman tukuchun,
Jehová Diospa angelnin qatikachashaqtin chhaynaman tukuchun.
7 Paykunaqa trampata churaspan mana juchaymanta jap’iyta munawanku,
yanqamanta noqapaq ruwasqanku t’oqoman urmanaytan munanku.
8 Qonqaylla paykunaman ñak’ariy chayamuchun.
Trampa churasqankupas paykunapaq kachun,
chayman urmaykuchunku, chinkachisqa kachunku.+
9 Noqaqa Jehová Dioswanmi kusikusaq,
qespichiwananpaq imaymana ruwasqanmantan kusisqa kashasaq.
10 Llapa tulluykunan ninqaku:
“Diosníy Jehová, ¿pin qan jina kanman?
Qanqa kallpasapakunamantan mana piniyoqta libranki,+
suwakunamantan wajchakunatapas pisichasqakunatapas kacharichinki”,+ nispa.
12 Allin kaqmantan mana allinwan kutichiwanku,+
sinchi llakisqatan saqerpariwanku.
13 Noqan ichaqa onqoqtinkupas qhasqa p’achawan p’achakuq kani,
maytan paykunamanta llakikuq kani, llakisqan ayunaq kani.
Imachus mañakusqay mana junt’akuqtinpas,
14 kayman jaqaymanmi waqaspa puriq kani,
amigoypas kanman, wayqeypas kanman jinaraqmi kaq kani.
Mamaypas wañunman karqan jinaraqmi waqaq kani,
may nanasqan may llakisqan kaq kani.
15 Noqa urmaqtiymi ichaqa kusikurqanku, juñukurqanku,
pakallapi phawaykamuyta munaspan juñukurqanku.
Lliutan ñut’uwarqanku, manataqmi upallakurqankuchu.
16 Dios contra jatariq runakunapas millaytan asipayawanku,
kanipakusparaqmi, k’utupakusparaqmi qhawaykuwanku.+
17 Diosnilláy Jehová, ¿jayk’aqkaman jinallata chayta qhawanki?+
18 Chhaynapin askha runakuna ukhupi graciasta qosayki,+
juñunasqa llaqta ukhupin jatunchasayki.
19 Amayá yanqapas qasi enemigonpaq jap’iwaq runaqa llakikuyniymanta kusikuchunchu,
amayá yanqapas qasi cheqniwaqniykunaqa+ asipayawachunkuchu.*+
20 Paykunaq siminpiqa manan thaj kay kanchu,
aswanmi paykunaqa thaj kausaqkuna contra jatarinku,
kay pachapi thaj kausaqkuna contran llullakuspa rimanakunku.+
21 Noqa contra rimanankupaqmi siminkuta jatuntaraq kicharinku.
Paykunan nishanku: “¡Qhawariychis! Chay ruwasqanta rikushankichischu”, nispa.
22 Jehová Diosníy, qanqa rikushankin chayta, amayá ch’inqa kaychu.+
Diosnilláy Jehová, amayá karullamantaqa qhawamuwaychu.+
23 Rijch’ariy Diosníy, yanapaqniy jamuriway;
Diosníy Jehová Dios, justiciata ruwapuway.
24 Diosníy Jehová, justiciaykiman jina chaninchapuway,+
amayá imapichus tarikusqaywanqa kusikuchunkuchu.
25 Ama jayk’aqpas nichunkuchu: “¡Ñan tarinchisña imachus maskhasqanchista!”, nispaqa.
Ama jayk’aqpas nichunkuchu: “Oqoykunchisñan”,+ nispaqa.
26 Paykunaqa p’enqaypi tarikuchunku, pisichasqa kachunku.
Llakikuypi tarikusqaywan kusikuqkunaqa llapanku p’enqaypi rikukuchunku.
Jatunchakuspa millayta k’amiwaqkunaqa p’enqakuywan pisichasqa kaywan p’achakuchunku.
27 Chanin kasqaywan kusikuqkuna ichaqa kusikuchunku,
kusisqalla paykunaqa kachunku, kusisqa qaparichunku:
“Jatunchasqa kachun Jehová Diosqa,
alabasqa kachun kamachinpa thaj kasqanwan kusikuq Diosqa”,+ nispa.