Salmos

145 Diosníy, reyníy, qantan jatunchasayki,+

sutiykitan wiñay-wiñaypaq alabasaq.+

 2 P’unchay ch’isiyaqmi jatunchasayki,+

sutiykitan wiñay-wiñaypaq alabasaq.+

 3 Jehová Diosqa may jatunmi, alabanapaq jinapunin,+

jatun kayninqa mana entiendey atiymi.+

 4 Kunan wiñay runakunapas, jamuq wiñay runakunapas imakunachus ruwasqaykimantan alabasunkiku,

ancha atiywan ruwasqaykikunamantan jujkunaman willanqaku.+

 5 May jatun atiyniykimantan paykunaqa rimanqaku,+

noqataq musphanapaq ruwasqaykikunapi yuyaymanasaq.

 6 Musphanapaq jinaraq ruwasqaykikunamantan rimanqaku,

noqataq may jatun kasqaykita willasaq.

 7 Sumaq sonqo kasqaykita yuyarispan kusisqa rimashallanqaku,+

chanin ruwaq kasqaykimantan kusisqa qaparinqaku.+

 8 Jehová Diosqa sumaq sonqon, khuyapayakuqmi,+

pacienciakuqmi,* mana tukukuq munakuyninpas ancha jatunmi.+

 9 Jehová Diosqa llapa runakunapaqmi sumaq sonqo,+

khuyapayakuq kayninpas tukuy ima ruwasqanpin rikukun.

10 Jehová Diosníy, tukuy ima ruwasqaykin jatunchasunki,+

qan sonqo runakunan alabasunkiku.+

11 Paykunan atiyniykimanta willanqaku,+

kamachikuyniyki may jatun kasqanmantan rimanqaku.+

12 Atiywan ruwasqaykikunatan runakunaman reqsichinqaku,+

kamachikuyniyki may jatun kasqanmantan yachachinqaku.+

13 Kamachikuyniykiqa mana tukukuqmi,

munaychakusqaykiqa wiñay-wiñaypaqmi.+

14 Jehová Diosqa urmananpaqña kaqkunatan yanapan,+

k’umuchisqa kaqkunatan sayarichin.+

15 Llapankun qanpi suyakushanku, qanllapin ñawinkuqa kashan,

qanmi paykunaman tiempollanpi mijunata qonki.+

16 Makiykitan mast’arinki,

llapa kausaqkunamanmi munasqankuta qonki.+

17 Jehová Diosqa chaninmi, ñanninkunapas chaninmi;+

tukuy ima ruwasqanpin junt’aq kasqanta rikuchin.+

18 Jehová Diosqa llapa wajakuqninkunaq qayllanpin kashan,+

tukuy sonqowan* wajakuqkunaq ladollanpin kashan.+

19 Manchakuqninkunamanmi munasqankuta qon,+

auxilio mañakusqankutan uyarin, jinaspan libran.+

20 Jehová Diosqa munakuqninkunatan waqaychan,+

millay runakunatan ichaqa ch’usaqman tukuchin.+

Llapa kausaqkuna paypa sutinta jatunchachunku,

wiñay-wiñaypaq ch’uya sutinta alabachunku.+