Lucas

23 Askhapunin chaypi kasharqanku. Llapallankutaq sayarirqanku, jinaspa Pilatoman Jesusta aparqanku.+ 2 Chaypin nirqanku:+ “Kay runatan tarimuyku nacionniyku runakunata reypa contranpi churashaqta, Roma reyman impuesto paganankuta jark’ashaqta,+ noqan kani Cristoqa, juj rey, nishaqtawan”,+ nispa. 3 Jinan Pilatoqa Jesusta tapurqan: “¿Qanchu kanki judío runakunaq reynin?”, nispa. Jesustaq nirqan: “Arí, qan kikiykin chaytaqa nishankiña”,+ nispa. 4 Jinan Pilatoqa umalli sacerdotekunata llapa runakunatawan nirqan: “Manan ima juchatapas kay runapiqa tarinichu”,+ nispa. 5 Paykunataq ichaqa astawanraq nirqanku: “Yachachiyninwanmi llapa Judea provinciantinpi runakunata ch’aqwachishan, Galilea provinciamanta qallarimuspa hasta kaykamaraq”, nispa. 6 Chayta uyarispan Pilatoqa nirqan: “¿Galileamantachu kay runa?”, nispa. 7 Galileamanta kasqanta yacharuspataq chay provinciapi kamachikuq Herodesman*+ Jesusta apachirqan, chay p’unchaykunaqa Herodespas Jerusalén llaqtapin kasharqan.

8 Herodesqa anchatan kusikurqan Jesusta rikuspa, payqa unayñan rikuytapuni munasharqan imaymanakunata paymanta uyarisqanrayku,+ munasharqantaqmi ñaupanpi ima milagrotapas ruwananta. 9 Chaymi Herodesqa imaymanakunata tapuyta qallarirqan, Jesusmi ichaqa mana imanispapas nirqanchu.+ 10 Umalli sacerdotekunawan kamachikuy simita yachachiqkunawantaq sapa ratu sayarispa sinchi phiñasqallaña imaymanamanta tumparqanku. 11 Chaymantataq Herodesqa soldadonkunapiwan millayta payta pisicharqanku,+ burlakuspataq+ ancha sumaq p’achawan churachirqan, chaymantataq Pilatoman apachipurqan. 12 Chay kikin p’unchaymi Herodeswan Pilatowanqa amigontin kapurqanku, chay ñaupaqtan ichaqa cheqninasqa kasharqanku.

13 Pilatoqa umalli sacerdotekunata, waj umallikunata, runakunatawan wajachimuspan 14 nirqan: “Kay apamuwasqaykichis runamantan, runakunatan ch’aqwachishan, nispa niwarqankichis ¿riki? Chaymi noqaqa qankunaq ñaupaykichispi allinta tapurqani, ichaqa manan contranpi nisqaykichismantaqa imatapas juchachanapaq jinaqa tarinichu.+ 15 Herodespas manan imatapas tarimusqachu, chaymi kutichimpuwasqaku. Kay runaqa manan imatapas wañunanpaq jinaqa ruwasqachu. 16 Chayraykun soq’achispalla+ kacharipusaq”, nispa. 17 *—— 18 Runakunan ichaqa llapallanku qaparirqanku: “¡Wañuchiy chay runataqa, Barrabasta aswan kacharipuwayku!”,+ nispa. 19 (Barrabasqa gobierno contra jatariypi yanapakusqanrayku runata wañuchisqanrayku iman carcelpi kasharqan). 20 Pilaton ichaqa Jesusta kacharipuytapuni munasharqan,+ chaymi wajmanta runakunata rimapayarqan. 21 Paykunan ichaqa qaparirqanku: “¡K’aspipi warkuy! ¡K’aspipi paytaqa warkuy!”,+ nispa. 22 Jinan Pilatoqa nirqan: “¿Imarayku? ¿Ima mana allintataq kay runari ruwarqan? Noqaqa manan imatapas paypiqa tarinichu wañunanpaq jinaqa, chayrayku soq’achispalla kacharipusaq”, nispa; chaywanqa kinsa kutitañan chayta nisharqan. 23 Chayta niqtinmi runakunaqa atipakuspa astawanraq qaparirqanku Jesusta wañuchinanpaq.* Paykunaqa uyarichikurqankupunin,+ 24 chaymi Pilatoqa kamachikurqan paykunaq mañakusqanku ruwasqa kananpaq. 25 Jinaspan mañakusqankuman jina, gobierno contra jatarisqanmanta runa wañuchisqanmantawan carcelpi kashaq runata kacharipurqan, Jesustataq paykunaman entregarqan ima munasqankutapas ruwanankupaq.

26 Jesusta chaymanta apashaspankun Cirene llaqtayoq Simonta jap’irqanku, payqa campomantan jamushasqa, jinaspa ñak’arina k’aspita* rijranman churaykurqanku Jesuspa qhepanta apananpaq.+ 27 Jesuspa qhepantaqa ancha askha runakunan risharqanku, rishallarqankutaqmi warmikunapas llakikuymanta sonqonkuta takakuspa paymanta khuyayta waqaspa ima. 28 Chaymi Jesusqa kutirispa chay warmikunata nirqan: “Jerusalén llaqta warmikuna, ama noqamantaqa waqaychischu, aswanpas qankuna kikiykichismanta wawaykichiskunamantawan waqaychis.+ 29 Tiempon chayamunqa, chaypin ninqaku: Kusisqan kanku wijsallikuyta mana atiq warmikuna, mana onqokuq warmikuna, wawaman ñuñuta mana qoq warmikunapas,+ nispa. 30 Orqokunatan ninqaku: ¡Urmaykamuwayku!, nispa. Moqokunatapas: ¡Pakaykuwayku!,+ nispa. 31 Q’omerllaraq sach’a kashaqtintaq kaykunata ruwashanku chayqa, ¡imaraqchá kanqa ch’akisqa kaqtinqa!”, nispa.

32 Chay kutipiqa mana allin ruwaq iskay runakunatawanmi aparqanku Jesustawan kuskata wañuchinankupaq.+ 33 Calavera nisqa pataman+ chayaspankutaq chaypi Jesusta k’aspiman clavarqanku, jinaspa chay mana allin ruwaq runakunaq chaupinman sayachirqanku, chhaynapin jujnin paña ladonpi kasharqan jujnintaq lloq’e ladonpi.+ 34 Jinan Jesusqa nirqan: “Taytáy, perdonay kay runakunata, paykunaqa manan yachankuchu imatachus ruwashanku chayta”, nispa. P’achantapas sorteaspan rakinakurqanku.+ 35 Runakunaqa chaypin payta qhawaspa sayasharqanku, umalliqkunataq asipayaspa pisicharqanku: “Jujkunatataq salvan chayqa, paytapas salvakuchunyá Diospa ajllasqan Cristo kaspaqa”,+ nispa. 36 Soldadokunapas payman qayllaykuspan p’osqo vinota jaywarqanku+ jinaspa asipayarqanku, 37 nirqankutaq: “Judío runakunaq reynin kanki chayqa, salvakuyyá”, nispa. 38 Jesuspa umanpa altonpitaq qelqasqa kasharqan: “Kayqa judío runakunaq reyninmi”,+ nisqa.

39 Chaypi warkusqa kashaq jujnin mana allin ruwaq runapas k’amirqanmi:+ “Criston kani, ninkitaq chayqa, salvakuyyá, salvawayku noqaykutapas”, nispa. 40 Jinan jujnin kaqqa phiñarikurqan: “¿Manachu juj chhikallantapas Diosta manchakunki, kay runa jinaña ñak’arishaspapas? 41 Noqanchisqa razonwanmi khaynata ñak’arishanchis, imachus ruwasqanchismantan kaytaqa chaskishanchis; kay runan ichaqa mana ima mana allintapas ruwarqanchu”, nispa. 42 Jinaspa Jesusta nirqan: “Jesús, yuyarikuwankiyá gobiernoykiman jaykuspaqa”,+ nispa. 43 Jinan Jesusqa payta nirqan: “Cheqaqtan kunan niyki: Noqawanmi paraisopi kanki”,*+ nispa.

44 Las docemanta jinan* las tres jina tardekama* lliu chay lado tutayarqan+ 45 inti manaña k’anchampusqanrayku; templo ukhupi cortinapas+ kuskanmantan llik’ikurqan.+ 46 Jesustaq fuerteta wajakurqan: “Taytáy, makiykimanmi kausayniyta* jap’ichiyki”,+ nispa. Chayta nispataq wañupurqan.+ 47 Chaykunata rikuspan ejercitopi capitanqa Diosta jatuncharqan: “Cheqaqtapunimá kay runaqa chanin runa kasqa”,+ nispa. 48 Chaypi juñunasqa kashaq runakunapas llapa imachus pasasqanta rikuspankun sonqonkuta takakuspa wasinkuman kutipurqanku. 49 Jesusta llapa reqsiqkunataq Galileamantapacha jamuysiq warmikunapiwan chaykuna pasasqanta karullamanta qhawasharqanku.+

50 Juj runan karqan José sutiyoq, payqa Jatun Juntamanta* jujninmi karqan,+ allin runataq chanin runataq karqanpas. 51 (Payqa manan yanapakurqanchu Jatun Juntapi kaqkunaq ima rimasqankupipas ni ima ruwasqankupipas). Payqa Judeapi kaq Arimatea llaqtamantan karqan, Diospa gobiernontataqmi suyakusharqanpas. 52 Paymi Pilatoman rispa Jesuspa cuerponta mañakurqan. 53 Jinan k’aspimanta uraykachispa+ sumaq lino telawan k’uyuykurqan, jinaspa qaqapi t’oqosqa sepulturaman churarqan;+ chaymanqa manan ima ayatapas churasqakuraqchu. 54 Chay p’unchayqa samana p’unchaypaq* alistakunanku p’unchaymi karqan.+ Samana p’unchayqa+ ñan qallarinanpaqña kasharqan. 55 Galileamantapacha Jesuswan kuska jamuq warmikunapas qatikurqankun, chaypin rikurqanku maypichus Jesuspa cuerponta churarqanku chayta.+ 56 Chaymantataq kutipurqanku sumaq q’apaq qorakunata sumaq q’apaq aceitekunatawan preparanankupaq, chaywanpas paykunaqa kamachikuy simipi nisqanman jinan samarqanku samana p’unchay kasqanrayku.+