¿IMATAN BIBLIA YACHACHIN?
Iñiymanta
Askha runakunan ninku: “Iñiyniyoqmi kani”, nispa, ichaqa manan yachankuchu imachus iñiy kasqanta. ¿Imataq iñiyri? ¿Imaraykun iñiyniyoq kay ancha importante?
¿Imataq iñiyri?
¿IMA NINKUN RUNAKUNA?
Askha runakunan jujkunaq willasqallanta uyarikuspa imapipas creenku chaytataq ninku: “Noqapas iñinin”, nispa. Religioso runakunan ninku: “Iñinin Diospi”, nispa. Ichaqa, “¿imaraykun Diospi iñinki?” nispa pipas tapuykuqtinmi ninku: “Tayta-mamaymi chayta yachachiwaranku” otaq “chhaynatan yachachiwaranku”, nispa. Chhaynata uyarillasqankupi creesqankutan ninku: “Iñiy”, nispa.
¿IMATAN BIBLIA YACHACHIN?
Biblian nin: “Iñiyqa suyashasqanchista cheqaqtapuni chaskinanchispaq yuyaymi, mana rikusqanchistapas kashasqanpaqpuni yuyaymi”, nispa (Hebreos 11:1). Imapas suyakusqanchis cheqaqpuni kasqanta creenapaqqa pruebakunan kanan, chay pruebakunan garantía jina. Griego simipi “cheqaqtapuni” nisqa simiqa, manan yanqa suyakuyllamantachu rimashan, aswanpas pruebakuna kasqanrayku seguro kasqanchismantan rimashan.
“Kay pacha qallariymantapachan runakunaqa sut’ita yachanku Diosqa wiñay atiyniyoq kasqanta, payqa Diospuni kasqantapas. Chaykunataqa manan runakunaqa rikunchu, aswanpas Diosqa kamasqankunapin sut’ita reqsichikun” (Romanos 1:20)
¿Imaraykun iñiyniyoq kay ancha importante?
¿IMATAN BIBLIA YACHACHIN?
Biblian nin: “Pipas mana iñiyniyoq kaspaqa manan Diospa sonqonman chayaqtapuni ruwayta atinmanchu. Chhaynaqa, pipas Diosman asuykuqqa iñinanpunin Diospa kasqanta, Diosqa maskhaqninkunata saminchaq kasqantapas”, nispa (Hebreos 11:6).
Ñaupaqpi yachasqanchis jina, askha runakunan tayta-mamanku otaq jujkunaq willasqallankuta uyarikuspa ninku: “Iñinin Diospi”, nispa. Diosqa manan chaytachu munan. Payqa munanmi allinta reqsinanchista, munakuq kasqanta yachananchistapas. Chaymi Biblia kallpachawanchis Diosta maskhananchispaq allinta reqsinanchispaqwan.
“Diosman asuykuychis, jinan payqa asuykamusunkichis” (Santiago 4:8)
¿Imatan ruwana iñiyniyoq kanapaq?
¿IMATAN BIBLIA YACHACHIN?
Biblian nin: “Iñiyqa uyariywanmi jamun”, nispa (Romanos 10:17). Arí, Diospi iñinapaqqa Bibliapi paymanta willawasqanchistan ‘uyarinanchis’ (2 Timoteo 3:16). ¿Imaynatan chayta ruwasunman? Bibliatan estudiananchis. Bibliapin yachasun kaykunamanta: ¿Pitaq Diosri? ¿Imaynapin yachanchis Dios kasqanta? ¿Munakuwanchu? ¿Imatan ruwanqa jamuq tiempopi?
Imaymana pruebakunan kan Dios kasqanmanta
Testigokunaqa maytan munayku Bibliamanta yachanaykita. Internetpi kaq direccionniykupin nin: “Testigokunaqa llapa runamanmi Bibliamanta yachachiyta munayku. Ichaqa manan pitapas obligaykuchu Testigo kapunanpaq. Creesqankuta respetaspan Bibliaq willasqallanta yachachiyku; sapanka estudianten ima ruwanantapas decidikunan”, nispa.
Diospi iñinaykipaqqa pruebakunatan maskhanayki, jinaspapas Bibliapi yachachikuykunatan allinta entiendenayki. Chayta ruwanki chayqa ñaupa tiempo Biblia estudiaqkunaq ruwasqantan qatikunki. ‘Paykunan Diospa siminta tukuy sonqo chaskikuranku, chaykunaqa jinapunichus kasqantataq Diospa Simin Qelqakunapi sapa p’unchay t’aqwiranku’ (Hechos 17:11).
“Wiñay kausayta chaskinankupaqqa qan sapallan cheqaq Diostan reqsinanku, reqsinallankutaqmi kachamusqayki Jesucristotapas” (Juan 17:3, Traducción del Nuevo Mundo)