Kay estudiopin yachasun Jehová Dios tukuy tiempo Rey kasqanta, hanaq pachapi kay pachapi kamachinkunata tukuy tiempo kamachisqantapas. Ñawpa tiempopi wiñaypaq Reyta yupaychaq runakunamanta yachasqanchispas anchatan kallpachawasun.

▪ Pachak watañan Diospa Gobiernon kamachikushan

Kay estudiopin yachasun Jesuspa 100 wata kamachikusqanpi tukuy ruwasqanmanta. Yachasunmi Diospa Gobiernonta imayna yanapakunanchismanta. Hinaspapas yanapawasunmi 2014 watapaq textopi yuyaymananapaq.

▪ Wayna-sipas, allinta decidikuy

▪ Diosta serviy manaraq sasa p’unchaykuna chayamushaqtin

¿Imata ruwanaypaqmi decidikusaq? Chaytan Diosta llapa serviqkuna tapukunanchis. Kay estudiokunapin yanapaykuna kashan wayna-sipaskuna, kurak cristianokunapas Diosta astawan servinankupaq.

▪ ¿Hayk’aqmi Diospa Gobiernon chayamunqa?

Kay tiempopi runakunaqa imaymana ruwaykunapin afanasqa kashanku, munasqankuman hinataqmi kawsashankupas. Kay estudiopin kinsa profeciakunamanta yachasun. Chaykunan iñiyninchista kallpachanqa Diospa Gobiernon pisi tiempollamanta kay millay pachata chinkachinanpi.

KALLANTAQMI

3 Tukuy sonqowanmi yanapakushanku África occidental ladopi

32 Huch’uyllaraq kashaspaymi huk ruwayta akllarqani

TAPANPI KAQ: Lviv llaqtapin huk nacionmanta estudiantekunata universidadpi predicashanku

UCRANIA

RUNAKUNAN KANKU

45.561.000

PREDICAQKUNA

150.887

Ucrania nacionpin kan 1.737 iñiq t’aqakuna, 373 huch’uy t’aqakuna ima 15 simikunapi. Wakinqa húngaro, rumano, ruso, ucraniano, makiwan rimay (Rusia) simikunan