QALLARIYPI KAQ | BIBLIATAQA LLIUPAS ENTIENDENMANMI
¿Allinchu kanman Bibliata leey?
“Bibliataqa yaqa llapa runan respetan. China nacionpiqa manan ancha Bibliataqa reqsinkuchu” (LIN, CHINA)
“Hindú religionniypi sagrado qelqakunatapas manan entiendenichu, chaychu Bibliata entiendeyman” (AMIT, INDIA)
“Bibliataqa respetanin antiguo libro kasqanrayku, jinaspapas chay libron aswan vendesqaqa. Ichaqa manan jayk’aqpas jujllatapas rikuranichu” (YUMIKO, JAPÓN)
Bibliataqa pachantinpi runakunan respetanku, pisitaña otaq manaña yachankuchu chaypas, astawanqa Asia ladopi runakunan, ichaqa respetallankutaqmi Biblia askhanpi vendekusqan nacionkunapipas.
“¿Imapaqtaq Bibliatari leeyman?”, ninkipaschá. Bibliamanta yachayqa kaykunapin yanapasunki:
Kusisqa kausanaykipaq
Familiaykipi problemakunata allichanaykipaq
Llakikuyniykikunata atipanaykipaq
Jujkunawan allinta apanakunaykipaq
Qolqeta allinta utilizanaykipaq
Ejemplopaq, Japonmanta Yoshiko yachayta munaran imamantachus Biblia yachachisqanta, chaymi decidikuran Bibliata leenanpaq. Paymi leesqan qhepata niran: “Biblian yanapawaran runaqa imapaq kausasqanta entiendenaypaq, jinaspapas yanapawaranmi jamuq tiempopaq suyakuyniyoq kanaypaq. Kunanqa manañan ch’usaq sonqoñachu sientekuni”, nispa. Amit nillantaq: “Leespaqa anchatan admirakurani, Bibliaq yachachisqanqa ancha allinmi lliu runapaqpas”, nispa.
Bibliaqa millonninpi runakunatan yanaparan aswan allinta kausanankupaq. Kallpachaykikun tiempota jap’ispa leenaykipaq, chhaynapin rikunki imaynatachus yanapasunki chayta.