¿Imaraykun Biblia mana chinkaranchu?

Biblia mana chinkasqanraykun qanpas kunan leeyta atiwaq. Bibliata leenaykipaq allin traduccionta ajllanki chayqa, mana iskayaspan leewaq chaypi yachachikuy exacto kasqanrayku.a ¿Imaraykun Biblia mana chinkaranchu materialkunaña gastakushaqtinpas, runakunaña chinkachiyta munaqtinkupas, yachachikuyninta cambiayta munashaqtinkupas? ¿Imaraykupunitaq Bibliari jujniray?

Bibliata estudiaspankun askha runakuna apóstol Pablo jina niranku: “Diospa Simin Qelqakunaqa llapallanmi Diospa yuyaychasqan”, nispa. Paykunaqa seguron kashanku Bibliaqa Diospa palabran kasqanrayku, pay kikin cuidasqanrayku mana chinkasqanmanta (2 Timoteo 3:16). Qallariy articulopi rimamusqanchis Faizal runaqa pay kikinmi tapukuyninkunamanta Bibliata estudiaspa yacharan. Anchatan admirakuran religionkunapi askha yachachikuykuna mana Bibliapi kasqanmanta. Jinaspapas sonqonmanmi chayaran kay allpa pachata paraisoman tukuchinanpaq Diospa promesan, chaytan Biblia yachachin.

Faizal nin: “Kunanqa convencesqan kashani makiypi jap’isqay Biblia Diospa regalon kasqanmanta. Diostaq universotapas kamaran chayqa, ¿manachu atiyniyoq kanman palabranta qowananchispaq, makinchisman chayamunankama cuidananpaqpas? Chayta mana reconocespaqa Diospa atiynintachá pisipaq qhawarishayman. ¿Imataq noqari kani Diospa atiyninta pisipaq qhawarinaypaq?”, nispa (Isaías 40:8).