¿Imaniwaqmi Bibliamanta?
¿Imaninkin?
¿Runakunaq piensayninman jina ruwasqa librollachu?
¿Cuentokunamanta willaq librollachu?
Icha, ¿Diospa siminchu?
BIBLIAN NIN:
“Diospa simin qelqapi qelqasqa kaqqa llapanmi Diospa yuyaychasqan”, nispa (2 Timoteo 3:16, Mosoq Pacha Biblia).
¿IMARAYKUN CHAYPI NISQAN ALLIN WILLAKUY?
Bibliapiqa imakunamantachus yachayta munanchis chaykunamantan sut’ita willashan (Proverbios 2:1-5).
Bibliaqa yanapawasunmanmi sumaqta kausananchispaq (Salmos 119:105).
Chaymantapas Bibliaqa willashanmi jamuq tiempopi sumaq kausay kananmanta (Romanos 15:4).
¿CONFIASUNMANCHU BIBLIAQ NISQANPI?
Arí confiasunmanmi, ichaqa ¿imaraykun confiananchis?
Llapa willasqanpas allintan tupan. Bibliaqa 1600 watakunapi jinan qelqakurqan, chaytaqa 40 runakuna jinan qelqarqanku. Chay runakuna manaña llapankuchu reqsinakurqanku chaypas, Bibliaqa juj runallapas qelqanman karqan jinan kashan.
Cheqaqllatan imatapas willan. Librokunata qelqaqkunaqa pakankun llaqtankuq atipachikusqankuta. Bibliata qelqaqkunan ichaqa sut’illanta willarqanku kikinkuq pantasqankuta llaqtanku ima mana allin ruwasqankutapas (2 Crónicas 36:15, 16; Salmos 51:1-4).
Llapa ima willasqanpas junt’akunpunin. Bibliaqa 200 wata ñaupaqtaraqmi willarqan Babilonia nación thunisqa kananmanta (Isaías 13:17-22). Ichaqa manan imayna thunisqa kanallanmantachu willarqan, willallarqantaqmi pichus atipanan karqan chaytapas (Isaías 45:1-3).
Bibliapi juj profeciakunapas llapallanmi k’apajta junt’akurqan. Bibliaqa Diospa simintaq chayqa, ¿chhaynapunin kanan riki? Llapa willasqanmi junt’akunan (2 Pedro 1:21).
KAYPI PIENSARIY
¿Biblia yanapasunkimanchu kausayniykipi?
Chayta yachanaykipaq leey: ISAÍAS 48:17, 18; 2 TIMOTEO 3:16, 17 textokunata.