Sinchi llakikuykunapi tarikuqtinchis

Ejemplopaq, Estados Unidosmanta Sallya sutiyoqmi sinchi jatun wayra kasqanwan tukuy kaqninta chinkachipuran. Paymi nin: “Manañan kaytaqa aguantaymanñachu, manañan kallpaypas kanñachu”, nispa.

Pipas familianchismanta wañukapuqtinqa sinchi sonqo nanaymi. Australiamanta Janet nin: “Iskaynin waway wañupuqtinqa kausayniyqa manan kausayñachu karan, chaymi Diosmanta mañakurani: ‘Diosniy, ¡manan atiniñachu aguantayta! Wañukapullaymanña aswanpas’”, nispa.

Danielqa sinchi sonqo k’irisqan tarikuran esposan jujwan engañaqtin. Paymi nin: “Esposay jujwan engañawasqanta willawaqtinqa cuchillowanpas sonqoyta k’iriruwanman jinataraqmi sientekurani. Sinchitan sonqoy nanawaran cuchillowanpas kuchu-kuchutapas ruwaruwanman jinataraq”, nispa.

Kay revistan yanapasunki kaykunapi tarikuqtiyki

• Desgraciapi tarikuqtiyki

• Pipas familiaykimanta wañukapuqtin

• Qosaykipas otaq esposaykipas engañasuqtiyki

• Sinchi grave onqoywan tarikuqtiyki

• Mana aguantayta atishaqtiyki

Ñaupaqtaqa yachasun iman yanapanman desgraciakunapi tarikuqkunata chaymanta.