¿Imaynatan estudiota qosunman “Diospa munakuynin” nisqa librowan?
1. ¿Imapaqmi ruwakuran “Diospa munakuynin” nisqa librota?
1 “Diospa espiritunwan yanapachikusun” nisqa hatun huñunakuypin chaskiranchis “Diospa munakuyninpi allinta takyaychis” nisqa librota. ¡Chay mosoq librota chaskiyqa may munaymi karan! Chay huñunakuypi willakusqan hina, chay libroqa ruwakuran Diospa munasqanman hina kawsayta allinta yachananchispaq, kamachikuynintapas munakunanchispaqwanmi; manan Bibliapi qallariy yachachikuymanta yachanapaqchu. Chay libroqa manan predicacionpi rakinapaqchu.
2. ¿Imaynatan chay mosoq librowan estudiota qosun? ¿Pikunamanmi qonanchis?
2 ¿Imatapunin Biblia yachachin? nisqa librota tukusqanchis qhepamanñan chay mosoq librowanqa estudiota qonanchis. Yachasqanchis hina, estudiantekunaqa manan igualtachu entiendenku imachus yachachisqanchista, chaymi atisqankuman hinalla yachachinanchis chhaynapi allinta entiendenankupaq. Chaymantapas wakinqa yaqapaschá askha librota estudiashaspapas mana hamunkuchu huñunakuyman nitaq imayna kawsasqankutapas cambiayta munankuchu, chhayna kaqtinqa manañapaschá chay mosoq librowanqa estudiota qonañachu kanqa.
3. “Sapallan cheqaq Diosta yupaychasun” nisqa librowan estudiota qoshanchis chayqa, ¿imatan ruwasunman?
3 Sichus estudiota qoshanki “Sapallan cheqaq Diosta yupaychasun” nisqa librowan, ñataq tukunaykipaq hinaña kashankichispas chayqa, yaqapaschá tukullawaqchisña chay librota, estudiaqtataq kallpachawaq mosoq librota sapallanña estudiananpaq. Mana chayqa yaqapaschá chay mosoq librollamanña pasawaqchis, chaytaqa qallariymantapachan estudiachinayki. Apéndice nisqata estudianaykichis mana estudianaykichispas qankunamantañan kanqa.
4. Estudiantekuna bautizakunmanña chaypas, ¿hayk’aqkaman estudiota qonanchis?
4 Huk estudiante manaraq “¿Imatapunin Biblia yachachin?” nisqa librota tukushaspa bautizakunman chayri, ¿imatan ruwasunman? “Diospa munakuynin” nisqa librota tukunankaman estudiota qona. Chay estudio qosqanchistaqa informe nisqapin churananchis estudiota hina, hayk’a kutitachus hayk’a horatachus estudiachisqanchistapas yupananchismi. Huk predicaqmasinchiswan rinchis chayqa, paypas yupanmanmi horataqa.
5. ¿Imaynatan manaña predicaq cristianomasinchiskunata yanapasunman mosoq librowan?
5 Comité de Servicio nisqa umalliqkunamanta hukninku niwasunman manaña predicaq cristianomasinchisman estudiota qonanchispaq chayqa, yaqapaschá chay mosoq libromanta wakin capitulokunallata estudiachinanchispaq niwasunman. Chhayna kaqtinqa manan unaytachu estudiota qonanchis. ¡Maytachá chay libroqa yanapawasunchis “Diospa munakuyninpi” allinta takyananchispaq! (Judas 21.)