Tapuykuna

◼ ¿Ima iskay qelqakunata estudiana Bibliamanta yachay munaq runakunawan?

¿Imatapunin Biblia yachachin? nisqa qelqawanmi estudiotaqa qallarinchis. Chayrayku huk qelqakunawanña, tratadokunawanña estudiota qallarisunman chaypas, ¿Imatapunin Biblia yachachin? nisqa qelqawanmi estudiachinanchis. Sichus ¿Imatapunin Biblia yachachin? nisqa qelqawan estudiota qallarisun chayqa, ancha allinmi kanqa.

Sichus estudiantiykiwan ¿Imatapunin Biblia yachachin? nisqa qelqata tukunkiña chayqa, Adoremos al único Dios verdadero nisqa qelqatañataq qallarinayki, chaytaqa ruwanayki estudiantiyki iñiyninpi wiñarishaqtin (Col. 2:7). Kay qelqaq 2 paginanpin kayta willakushan: “Diospa Simin Qelqan llapa Dios munakuq runakunata kallpachan sumaq yachaykunaq ‘ukhunta, sayayninta’ entiendenankupaq (Efesios 3:18). Chaypaqmi ruwakun kay qelqata. Kay qelqaq yanapayninwan iñiyniykipi wiñanaykita munayku, chhaynapi Diospa prometesqan mosoq pachapi wiñay kawsayman apaq ñañu ñanninta purinaykipaq allin wakichisqa kanaykipaqwan”, nispa.

Sichus iskaynin librota manaraq estudiayta tukushaspa estudiante bautizakun chaypas, estudiashanallanmi iskaykaq librota tukunankama. Estudiante bautizasqaña kanqa chaypas, estudio qoqqa yupashanallanmi estudiachisqan horata, revisita ruwasqantapas estudio qosqantapas yupashanallanmi. Riysiq publicadorpas yupananmi estudiachisqanku horata, yanapakunqa chayqa.