“Qhepayta hamuy”

1. ¿Imatan astawan qhawarikunqa “Ven, sé mi seguidor” nisqa libropi?

¹ Tawantin Evangelio librokunan allinta willawanchis kay pachapi Jesuspa ruwasqanmanta. Bibliataq kamachiwanchis paypa “yupinta qatikunanchispaq” chayqa, allintan preparakunanchis “Ven, sé mi seguidor” nisqa librota, chaytan castellano simipi estudiakunqa 1 marzo semanamantapacha Biblia Estudianapaq Huñunakuypia (1 Ped. 2:21; Mar. 10:21). Chaypin astawan qhawarikunqa imakunan predicayninchispi yanapawasunman chayta.

2. ¿Iman yanapawasun Jesús hina aguantananchispaq?

² Jesús hinan kananchis. Predicasqanchis runakuna mana allinta tratawaqtinchisqa yuyarinchispaschá Jesuspa nisqanta, paymi nirqan: “Ñoqata qatiykachawarqanku chayqa, qankunatapas qatiykachallasunkichistaqmi”, nispa (Juan 15:20). Manan llapan runakunachu qatiykachawanchis. Jesustan ichaqa askha qatiykacharqanku, chaywanpas “qhepaman q’ochukunanta yachaspa[n]” tukuy ima pruebatapas aguantarqan. Ñoqanchispas Diospa sonqon kusirichinanchista yachaspa, allin premiota chaskinanchista yachaspan kallpata hap’inchis ima pruebatapas aguantanapaq (Heb. 12:2, 3; Pro. 27:11). Chaymantapas Jesusmi yanapawasun mana sayk’uspa predicaqtinchisqa (Mat. 28:20).

3. ¿Imaynatan predicayta qhawarinanchis?

³ “Chaypaqmi Diosqa kachamuwarqan.” Jesuspaqqa allin willakuykunata willaymi aswan importante karqan (Luc. 4:43). Payqa yacharqanmi pisillaña tiempo kasqanta, chaymi maypi kashaspapas predicarqanpuni. Ñoqanchispas qatikuqninkunataq kanchis chayqa, maypiña kashaspapas pay hinan lliwmanpas predicananchis. Chhaynapin rikuchisun Jesusta munakusqanchista (2 Cor. 5:14).

4. ¿Imaynapin allin predicaq kasunman?

⁴ ‘Manan hayk’aqpas pay hinaqa pipas rimarqanchu.’ Jesusqa ancha allinpaqmi hap’irqan Diospa yachachikuyninkunata, munakurqanmi runakunata, allintataq yachachiqpas. Chaymi payta uyariq runakunaqa admirakurqankuraq (Juan 7:46; Mat. 7:28, 29). Sichus ñoqanchispas pay hina yachachisun chayqa, allintan predicasun (Luc. 6:40).

5. ¿Imapaqmi estudiananchis “Ven, sé mi seguidor”, nisqa librota?

⁵ Askhataraqmi Jesusmantaqa yachasunman, chaymi kallpachakunanchis tukuy yuyaywan chay librota estudiananchispaq chhaynapi ‘Cristoq munakuyninta’ reqsispa pay hina kananchispaq (Efe. 3:19).

[Uranpi willakuy]