Allin willakuykunan willasqa kanqa
1. ¿Imaynapin yachanchis predicacionninchista mana imapas hark’ay atisqanta?
1 Manan imapas Jehová Diospa munaynin hunt’akunantaqa hark’anmanchu (Isa. 14:24). Gedeonqa 300 runakunallantinmi 135.000 Madián runakunawan maqanakunan karqan, payqa yuyaykurqanpaschá atipachikunanpaq. Diosmi ichaqa nirqan: “Israel llaqtamasiykita Madián runakunaq munaychakuyninmanta qespichinki. Ñoqa kikiymi kachashayki”, nispa (Jue. 6:14). Kay tiempopin Diosqa munan Gobiernonmanta allin willakuykuna ‘kay pachantinpi willasqa kananta’ (Mat. 24:14). Chay llank’ay aparikunantaqa manan pipas hark’ayta atinmanchu.
2. ¿Imaraykun nisunman, Jehová Diosqa sapankanchistan predicacionpi yanapawanchis, nispa?
2 Jehová Diosqa sapankanchistan yanapawanchis. Yachanchismi Jehová Dios llaqtanta yanapasqanta, ichaqa sapankanchistapas yanapawasunmanmi, imaynan Pablotapas Jesuswan yanaparqan hinata (2 Tim. 4:17). Arí, Diosqa yanapawasunpunin munayninta hunt’ananchispaq (1 Juan 5:14).
3. ¿Imakunapin Jehová Dios yanapawanchis?
3 ¿Imaymana ruwasqaykiraykuchu sayk’usqa kashanki servicioman lloqsinaykipaq? Chhaynapi tarikushanki chayqa, Jehová Diosmi ‘kallpachasunki’ (Isa. 40:29-31). Hark’asqa otaq qatiykachasqa tarikushanki chayqa, “Diosman llakipakuyniykikunata saqey, paymi qaqata sayachisunki” (Sal. 55:22). Predicayta manchakunki chayqa, Jehová Diosmi ‘imatachus rimanaykita yachachisunki’ (Éxo. 4:11, 12). Onqosqa kasqaykirayku pisillata predicanki chayqa, ama llakikuychu, Jehová Diosqa valoranmi sonqomanta paypaq llank’asqaykita, allinpitaq ruwasqaykita tukuchinqa (1 Cor. 3:6, 9).
4. ¿Imatan ruwasun tukuy sonqo Jehová Diospi confiaspa?
4 Jehová Diospa ‘yuyaykusqantaqa manan pipas hark’anmanchu’ (Isa. 14:27). Paymi kamachiwarqanchis predicananchispaq, chayrayku “mana manchakuspa” predicashallasun paypa yanapayninpi confiaspa (Hech. 14:3).