Diospa Reinonmanta willasun
1. ¿Ima librotan 14 marzo semanamantapacha askha iñiq t’aqakunapi estudianqaku?
1 2011 wata 14 marzo semanamantapachan askha iñiq t’aqakuna “Testimonio cabal” del Reino de Dios nisqa librota estudianqaku, Biblia Estudianapaq Huñunakuypi. Chay libron Hechos qelqamanta sumaqta willashan, willasqanmi leeqkunata anchata kusichin. Manan sapanka textoq nisqantachu sut’inchan aswanpas Hechos libropi sumaq yachachikuykuna kasqantan t’aqwin, hinallataq imaynatachus chayman hina kawsasunman chayta (Rom. 15:4).
2. Willay “Testimonio cabal” libro imayna qelqasqa kasqanta.
2 ¿Imayna qelqasqan kashan? Iskay paginapin Umalliq T’aqaq cartan kashan, chaypin willawashanchis chay librota estudiaqtinchis imakunapi allininchispaq kasqanta. Qallariy capitulokunapin pisillapi willashan chay capítulo imamanta rimasqanta, qatiqninpitaq rukhurin Hechos libromanta ima textokuna t’aqwikunanmanta. Chaymantapas askha capitulokunapin recuadrokuna rikhurin, chaypin astawan willashan llaqtakunamanta imakuna sucedesqanmantapas. Hinaspapas libropiqa kashanmi campo qelqanapaq. Libropi rikhuriq dibujokunan allinta rikuchiwanchis imayna kasqanta, tukukuy paginapitaq willashan sapanka dibujo imamanta rimasqanta. Tapanpin kashan mapakuna, chaypin rikusun qallariy siglopi cristianokuna “kay pachaq k’uchunkunakamaraq” predicasqankuta (Hech. 1:8).
3. ¿Ima tapuykunatan kutichin Hechos libro?
3 Allin tapuykunaman kutichiykuna. Hechos librota estudiaspaqa allintan yachasun predicay llank’ayninchismanta. Wakin tapukuykunan kaykuna, ¿ima llank’ayta ima willakuyta aparisqankumantan Cristoq qatikuqninkuna reqsichikunku? ¿Pin pachantinpi predicación llank’ayta umallishan, imaynata? ¿Ima allintan cristianokuna ruwankuman hark’asqa qatiykachasqa kashaspapas? ¿Imaynatan santo espíritu yanapawanchis predicacionpi?
4. ¿Imatan ruwasunman Hechos librota estudiay allinninchispaq kananpaq?
4 Munankichá chay librota estudiay ancha allinniykipaq kananta, chhaynaqa ñawpaqta preparakuy iñiq t’aqapi estudiakuqtin chaypi comentanaykipaq. Llapa huñunakuyman riy, yuyaymanaytaq predicaspa imaynata chayman hina ruwanaykipi. Ñoqaykuqa maytan munayku chay sumaq librota estudiay llapallanchista kallpachawananchista, chhaynapi Diospa Reinomanta kusata willananchispaq.