Paykuna hina kay
1. ¿Ima qelqatan estudiasunchis 19 octubre semanamantapacha?
1 Kay watapi 19 octubre semanamantapacha Paykuna hina kay nisqa librota estudiasunchis Biblia estudianapaq huñunakuypi. Chay libropin willakushan 14 Dios sonqo runakunamanta. Chay runakunaqa Jehová Diosraykun imaymanata ruwarqanku, imaymana llakikuykunapin tarikurqankupas. Chaykunamanta allinta yachasun chayqa, aswan allintan paykunata reqsisun, chhaynapitaqmi kallpachasqa kasun paykuna hina kananchispaq (Heb. 6:12).
2. ¿Imakunan tarikun Paykuna hina kay nisqa libropi?
2 ¿Imakunatan kay libropi tarisun? Kay libropin tarisun mapa nisqakunata, hayk’aqchus imapas pasaran chayta willaq lineakunatapas. Sapanka capitulopin tarillasuntaq “yuyaymananapaq tapuykuna” nisqata. Chay tapuykunan yanapawasun imachus yachasqanchispi allinta yuyaymanananchispaq, chayman hina ruwananchispaqwan. Libropiqa tarillasuntaqmi askha munay dibujokunatapas, chaykunan yanapawasun rikushasunmanpas hina Bibliapi willakuykunata estudiananchispaq.
3. ¿Imaynatan chay librota preparakunanchis?
3 ¿Imaynatan estudiananchis? Libroq qallariyninpin umalliq t’aqa nin: “Chay runakunapas kawaq hinatapuni qhawarikuy hinaspa reparay imaynapi tarikusqankuta, yuyaykuy chay runa kaspayki imatan ruwawaq karqan chaypi”, nispa. Chayta ruwananchispaqmi rikushasunmanpas hina leenanchis chay willakuykunata. Chaypaqmi tiempota hap’inanchis leesqanchispi allinta piensananchispaq (Neh. 8:8). Wakin semanakunapaqqa capituloq kuskanninmanta hina estudianapaqmi programapi churasqa kashan, chay semanakunapiqa huñunakuyta umalliqmi huk minutopi hinalla yuyarichinan ñawpaq semanapi imatachus estudiakusqanta. Chaymantapas chay semanapi mana estudiakunqachu “yuyaymananapaq tapuykuna” nisqata chayqa, umalliqmi huk otaq iskay tapuyta ruwanman estudio tukuyta.
4. ¿Imaynatan yanapawasunchis Paykuna hina kay nisqa librota estudiay?
4 Sapa p’unchaymi Satanasqa imaymanakunawan iñiyninchispi urmachiyta munawanchis. Chay mana pasawananchispaqmi chay libro allinta yanapawasunchis, Qhawaq revistapi “paykuna hina kay” nisqa temakunapas ancha allinmi llapanchispaq. Chaykunaqa Jehová Diosmantapunin hamun (Sant. 1:17). Chayrayku, amapuni faltakusunchu Biblia estudianapaq huñunakuyman, kallpachakusuntaq tapuykunata kutichinapaqpas.