Predicanapaq yanapaykuna: Estudiantekunata yanapay allin estudiaq kanankupaq

Imarayku allinpuni. Estudiantekuna iñiyninkupi allin takyasqa kanankupaqqa espiritual khamuna mikhuytan mikhunanku (Heb. 5:12–6:1). Allinta estudianapaqqa kallpachakunanchismi ñawpaqpi yachasqanchista chayllaraq yachasqanchiswan allinta tupachinapaq, chaypi yachasqanchisman hinataqmi imatapas ruwana (Prov. 2:1-6). Chaymi estudiantekuna imatapas tapukuqtinkuqa paykuna kikinku qelqanchiskunapi t’aqwirinanku. Chaymi yanapanqa qhepaman ima sasachakuykunapipas tarikuqtinku, Bibliaq nisqanman hina imatapas ruwanankupaq (Luc. 6:47, 48).

Imaynatan ruwasunman:

Sapa estudiota qallarinaykipaq Diosmanta mañakuychis, chaypin estudiante reparanqa mañakuyqa ancha importante kasqanta (Juan 14:26; 1 Cor. 2:10).
Qallariymantapacha estudianteta kallpachay ñawpaqmanta preparakunanpaq. Yachachiy importante yachachikuykunallata marcananpaq, libroykipitaq qhawachiy imayna marcasqaykita.
Niy entiendesqanman hinalla kutichinanpaq. Ama libropi kutichisqanta leenallanpaqchu tapuy.
Kallpachay sapa p’unchay Bibliata leenanpaq. Horariota ruwakunanpaqmi jw.org nisqapi yanapayta tarinqa. Sapa p’unchay Bibliata leenapaqqa kallpachakunan kanqa, ichaqa allinninpaqmi kanqa (Sal. 1:2, 3).
Yachachiy Bibliamanta ima tapukuynintapas INTERNETPI QELQANCHISKUNA Watchtower nisqapi maskhananpaq. Yachachiy huñunakuypi estudiasqanchis qelqakunaq simbolonta.

Killantin kayta ruway:

Huk subtitulota otaq huk capitulota tukuspa estudianteta niy yachasqanmanta pisillapi willananpaq. Sichus manaraq estudianteyki kan chayqa, Bibliata otaq Qhawaq revistata leespa yachasqaykimanta pisillapi yuyariy. Chhaynapin leesqaykita allinta entiendenki.