Waqaychanapaq
Diosta servinankupaq hina estudiota qosun
Reinopaq Servicionchispi askha partekuna rikhuriran imayna Diosta servinankupaq hina estudio qonanchismanta; chaykunamantan kay suplementopi huñukushan allin yuyaykunata. Mink’arisqan kanchis kayta waqaychananchispaq, estudio qoshaqtinchistaq t’aqwirinanchispaq. Predicanapaq huñunakuykunapipas t’aqwikunmanmi, serviciopaq superintendentekunapaqtaq allin kanman libro estudianapaq huñunakuy grupota visitashaqtinku discurso qonankupaq.
Huk kaq parte: ¿Iman estudio qoy?
Sichus pisillatapas sapa kutin Bibliamanta rimapayanki estudio qonapaq recomendasqa mayqen qelqanchiswanpas chayqa, ñan estudiotaña qoshanki. Imayna estudiana yachachisqayki qhepaman iskay kutita estudiachinki hinaspa reparanki astawan yachay munasqanta chayqa, informawaqmi estudiota (km-QU 7/04 pág. 1).
Recomendasqa qelqanchiskuna
◼ ¿Imatan Dios munan ñoqanchismanta?
◼ El conocimiento que lleva a vida eterna
◼ Adoremos al único Dios verdadero
◼ Podemos ser amigos de Dios. Kay folletowanqa yanapasunmanmi pisi educacionwan kaqkunata otaq mana allin leeqkunatapas.
Iskay kaq parte: Estudio qonapaqqa preparakunan
Estudiasqanchis temataqa yachachinanchis estudianteq sonqonman chayananpaq hinan. Chaypaqqa allintan preparakuna estudiantepaq hina (km-QU 8/04 pág. 1).
Imaynata preparakuna
◼ T’aqwiy leccionpa titulonta, subtitulonta, dibujonkunatapas.
◼ Qelqasqa tapuykunapaq kutichiykunata tariy, marcaytaq entiendechiq simikunallata principal puntokunatawan.
◼ Akllay estudiopi leenayki textokunata. Página patanpi pisillatapas qelqawaqmi.
◼ Allichay pisillapi rikukuq yachaykunata kutipanapaq.
Estudiantepaq hina preparakuy
◼ Mañakuy Diosninchista estudianteta allinta yanapananchispaq.
◼ Ñawpaqmanta preparakuy imakuna sasa kanman yachananpaq otaq chaskinanpaq.
◼ Tapukuy: “¿Imatan allinta yachanan otaq imapin allinyanan espiritualpi wiñananpaq? ¿Imaynatan yachachisqayta sonqonman chayachiyman?”.
◼ Ruwakunapaqpuni kaqtinqa preparay huk ejemplota, imayna sut’inchanata, askha tapuykunata ima, estudiasqaykichis qelqatapas otaq leesqaykichis textotapas allin entiendenanpaq.
Kinsa kaq parte: Bibliawan allinta yanapasun
Bibliamantaqa yachachinchis Jesuspa “discipulon kanankupaqmi”, chaytaqa ruwasun Diospa Simin yachachisqanta allinta yachachispa, kasukunankupaq yanapaspapas (Mat. 28: 19, 20, NM; 1 Tes. 2:13). Chayraykun Bibliamanta yachachinanchis. (km-QU 11/04 pág. 4).
Bibliawanpuni yachachiy
◼ Yachachiy estudiantekunata Bibliankupi textokuna maskhanankupaq.
◼ Maskhaytaq t’aqwiytaq iñisqanchis temakunapi rikuchiq textokunata.
◼ Tapuykunata ruway. Textokunata qan kikiyki sut’inchanaykitaqa, estudiantewan sut’inchachikuy.
◼ Ama ichaqa textopi sapanka simikunatachu sut’inchay. Estudiasqaykichis tema yanapaq simillata allinta yachachiy.
◼ Rikuchiy imaynata yachasqan yanapanman kawsayninpi. Qhawachiy imaynata Bibliapi textokuna tupan kawsayninwan.
Tawa kaq parte: ¿Imaynatan estudianteta yachachina preparakunanpaq?
Estudiana leccionta ñawpaqta leespa, kutichiykunatapas marcaspa, entiendesqanman hina rimananpaq piensaq estudianteqa, usqhayllan espiritualpi wiñanqa. Chayrayku, estudiota qallarispaqa estudiana leccionta paywan kuska preparakuychis, chhaynatan yachachinki imayna preparakuyta. Mayninpiqa tukuwaqchismi leccionta otaq capitulotapas (km-QU 12/04 pág. 1).
Imatan marcanan, qelqananpas
◼ Estudianteta yachachiy qelqasqa tapuykunapaq kutichiykuna tariyta.
◼ Estudiasqaykichis folletopi otaq libropi marcasqayki simikunata qhawarichiy.
◼ Estudianteqa allintan entiendenan, sapanka textoq nisqanman hina parrafoq yachachisqanta, yachachinallaykitaqmi libron otaq folleton patanpi pisillata qelqananpaq.
Imatan yachanqa, imatataq yuyarinqa
◼ Yachachinayki estudianteta preparakunanpaqqa qhawarinan capitulopi titulota, subtitulota, dibujokunatawan.
◼ Preparakuyta tukuspa rikukuq yuyaykunata yuyarichun.
Pisqa kaq parte: Hayk’atan estudiachina
Diospa Simin yachachiqkunaqa reparanankun maykama yachachinankuta estudiantepas, yachachiqpas atisqankuman hinallan estudiananku (km-QU 1/05 pág. 1).
Qallariymantapacha iñiyninta allinta takyachisun
◼ Manan usqhayllachu estudiachinanchis yachachisqanchista allinta entiendenanpaq.
◼ Estudianteta yanapananchispaqqa tiempota orqosun, chaymi yachasqanta allinta entiendenqa chaskinqapas.
◼ Tiempota qokusun estudiasqanchis temamanta rimaq importante textokunata t’aqwinanchispaq.
Estudiasqanchis temallamanta rimasun
◼ Estudiante kawsayninmanta nishuta riman chayqa, nisunmanmi estudio tukuyta rimanapaq.
◼ Ama nishutaqa rimaychu. Estudiachispaqa willasunmanmi experienciakunatapas, mana teqsi yachaykunamantapas, manan ichaqa sinchi askhatachu nitaq unaytachu willana, pantachinmanmi Bibliamanta yachasqanta.
Soqta kaq parte: Estudiante tapuqtin
Piwanpas Bibliata estudiashanchisña chayqa qallariymantapachan yachachinanchis, manan huk temamanta huk temamanchu pasananchis. Chaymi estudianteqa Bibliamanta cheqaq yachasqanta sonqonpi allinta takyachinqa hinaspa espiritualpi wiñanqa (km-QU 2/05 pág. 6).
Yachanaykin ima niyta
◼ Estudiasqaykichis temamanta tapuqtinqa kutichiwaqpachan.
◼ Estudiasqaychis temawan mana tupaqtinqa otaq sasa kutichina kaqtinqa, estudiayta tukuspa otaq huk p’unchaypas chaymanta rimaychis. Allinmi kanman chaykunata qelqanaykiqa.
◼ Sichus estudiante pantasqa yachayman hap’ipakun otaq Bibliaq yachachisqanwan manan kusisqachu kashan chayqa, chay temamanta rimaq qelqanchiskunawan yanapachikuwaq.
◼ Chaywanpas mana kusikuqtinqa, rimanakuychis chay temamanta huk kutipi parlanaykichispaq, ama ichaqa estudiasqaykichista saqeychischu.
Ama imaymana yachaqmanchu tukuy
◼ Estudianteq tapusqanta mana yachaspaqa, ama chay ratu yuyasqaykiman hinachu kutichiy.
◼ Pisi pisillamanta yachachiy estudianteta pay kikin kutichiykunata maskhananpaq.
Qanchis kaq parte: Estudiopi orana
Diospa saminchayninmi yanapanqa Biblia estudiaqkunataqa espiritualpi wiñanankupaq. Chayraykun, Bibliamanta estudiota qospaqa oracionta ruwana qallarispapas, tukuspapas (km-QU 3/05 pág. 4).
Imaynatan oracionwan qallarina
◼ Diosman sonqo runakunawanqa qallariymantapachan oracionta ruwasunman.
◼ Hukkunawanqa reparananchis hayk’aqta mañakuywan qallarisunman.
◼ Salmo 25:4, 5, 1 Juan 5:14 textokunawanmi estudianteta entiendechisunman imarayku orana.
◼ Juan 15:16 versiculowantaq yachachisunman imanaqtinmi Jesucristoq sutinpi Jehová Diosman orana.
Imatan oracionpi mañakuna
◼ Hatunchay Jehová Diosta, paymi yachachiwaqninchis.
◼ Estudianteq allinninpaqmi mañakunallanchis.
◼ Agradecenanchis Jehová Diospa kamachisqan llaqtanta.
◼ Estudianteq kasukunanpaq kallpachakusqanta Jehová Dios saminchananpaqqa oracionpi mañakushallasun.
Pusaq kaq parte: Biblia estudiaqkunata pusana Diospa llaqtanman
Bibliamanta yachachispaqa manan yachanallankutachu munanchis, yanapanallanchistaqmi cristiano congregacionpi paykunapas kanankupaq. Diospa llaqtan imayna allichasqa kasqanmanta yachachinaykipaq t’aqay iskay kinsa minutota sapa semana (km-QU 4/05 pág. 8).
Congregacionpi huñunakuykuna
◼ Semanapi pisqantin huñunakuymanta ch’ulla ch’ullamanta yachachinanchis. Estudio qallarichisqaykimantapacha pusamuy huñunakuykunaman.
◼ Willay huñunakuykunapi allin puntokuna uyarisqaykimanta.
◼ Jesuspa wañusqan yuyarina p’unchay, asambleakunapas, otaq circuitopi superintendente visitawananchispas qayllaykamushaqtinqa, willay imakunatan chay p’unchaykunapi ruwakunqa chaywan kusikuspa kallpachakunanpaq.
◼ Yanapay qelqanchiskunapi fotokunata qhawachispa imaynatan ruwakun huñunakuykuna.
◼ Kallpachaytaq estudiantekunaman Los testigos de Jehová: ¿quiénes son y qué creen? nisqa folletota leenankupaq.
Qhawachiy videokunata agradecido kanankupaq
◼ Los testigos de Jehová... la organización tras el nombre
◼ Toda nuestra asociación de hermanos
◼ Unidos gracias a la enseñanza divina
◼ Hasta los cabos de la Tierra
Isqon kaq parte: Imaynatan estudianteta yachachisunman maypipas predicananpaq
Biblia estudiaqkunaqa yachasqankupi iñispa, kallpachakunku yachasqankumanta rimanankupaq (km-QU 5/05 pág. 1).
Kallpachay predicananpaq
◼ ¿Kanchu familiankuna otaq amigonkunapas estudiasqanman invitananpaq?
◼ ¿Interesakunkuchu allin willaykunapi llank’aq-masinkuna, escuelapi compañeronkuna otaq pi reqsisqanpas?
Willachun yachasqankunamanta
◼ Estudiasqaykichispi importante yachaykunaman chayaspa, tapuy: “¿Imaynatan kay cheqaqmanta familiaykiman Bibliawan yachachiwaq?”, nispa.
◼ Yachachiy, Jehová Diosmanta ima ruwayninmantapas rimaspaqa, respetowan allinta reparakuspa sumaqta rimananpaq.
◼ Los testigos de Jehová: ¿quiénes son y qué creen? nisqa folleton yanapanqa estudianteta uyariy munaq familiankuman, amigonkunamanpas Jehovaq testigonkunaq ruwayninmanta iñisqankumantapas, Bibliawan willanankupaq.
Chunka kaq parte: Imaynatan estudianteta preparasunman, wasin wasinta predicananpaq
Ancianokuna reparasqanman hina, sichus estudiante hunt’ashanña Bibliapi kamachikuykunata mana bautizasqa publicador kananpaq chayqa, lloqsinmanñan congregacionwan predicananpaq (km-QU 6/05 pág. 1).
Kuska preparakuychis
◼ Yachachiy mosoq publicadorta maypin tarinman yanapaykunata predicayta qallarinanpaq.
◼ Yanapay atikuqta hinalla akllananpaq.
◼ Kallpachay Bibliawan predicananpaq.
◼ Kuska practicaychis. Yachachiy imaynata predicasqanpi sumaqllata kutichinanpaq mana uyariy munaqta.
Kuska predicaychis
◼ Qanmi ñawpaqtaqa preparakusqaykichismanta predicanayki, chayta qhawarispa payñataq predicananpaq.
◼ Respetowan qhawariy imayna kasqanta, ima atisqantapas. Mayninpiqa pisillata rimaspan qallarinman, yaqapaschá Bibliapi huk texto leesqanta sut’inchaspa.
◼ Horariota ruwaysiy predicananpaq.
Chunka hukniyoq parte: Imaynatan Estudianteta yachachina revisitakuna ruwananpaq
Revisita ruwanapaqqa predicashaspan qallarina. Estudianteta kallpachay rimapayasqan runapi sonqomanta interesakunanpaq. Pisi pisillamanta yachachiy runakunaq rimasqantaraq uyarinanpaq, reparachuntaq ima llakichisqantapas (km-QU 7/05 pág. 1).
Revisita ruwanapaq yachachiy
◼ Registro de casa en casa nisqapi qelqasqanta qhawaspa estudianteta yachachiy, visitasqan runa interesakunanpaq hina, Reinomanta huk willakuyta akllananpaq.
◼ Preparakuychis imaynata rimayta qallarinapaq, huk textota leenapaq, estudio qallarinaykichispaq qelqamanta huk parrafotawan.
◼ Rimayta tukunapaqpas maskhaychis huk tapuyta.
K’uchi kayta yachachiy
◼ Estudianteta kallpachay lliw uyariy munaqkunaman usqhaylla kutinanpaq.
◼ Wasiyoqkunata tarinanpaqqa yaqapaschá pasaqllata kutinan.
◼ Yachachiy imaynatan rimanan interesakuq runawan, ima p’unchay, ima hora kutinantapas, yachananmi kutinanpaq rimasqanta hunt’ayqa ancha allin kasqanta.
Chunka iskayniyoq kaq parte: Yachachisqakunata yanapasun Bibliamanta estudiokunata qallarinankupaq qonankupaqpas
Chaniyoqmi noqanchispaqqa Jesuspa ruwasqankunata qatikuyqa, chayrayku predicaypipas qatikunapaq hina kananchis. Yachachisqaqa ruwasqanchista qhawaspa reparanqa, revisita ruwayqa Bibliamanta estudiokunata qallarinapaq kasqanta (km-QU 8/05 pág. 1).
Estudiota munachispa
◼ Yachachiy, estudiota munachishaqtinqa mana nishutachu rimanan imayna estudio kasqanmanta.
◼ Aswan allin kanman estudianapaq libromanta huk otaq iskay parrafokunallawan imayna estudio kasqanta rikuchiyqa.
◼ Kutipaychistaq ensayaychistaq yachachisqaykiwan imaynata Bibliamanta estudiokunata qallariwaqchis (véase km-QU 8/05 pág. 8 y km-S 1/02 pág. 6).
Yachachiq kananpaq yachachiy
◼ Kallpachay yachachisqaykita Escuela del Ministerio Teocrático nisqapi matriculakunanpaq.
◼ Kallpachay yachachisqaykita qanwan otaq poqosqa wayqewan estudiokunaman rinanpaq, chaypitaq pisillatapas yanapanmanmi.