Job llakikuyninta willakun

Jobqa nishutan onqopuran, wawankunan wañuran, mana imayoqmi rikukapuranpas, chaywanpas Diostaqa kasukushallaranmi. Ichaqa Satanasqa astawanmi pisipachiyta munaran. Jobpa kinsa compañeronkunan jamuranku amigonkuman tukuspa, ichaqa qanchis p’unchaymi ch’inlla karanku. Chaymantataq sonqo nanachikuq simikunata niranku.

Jobqa pruebakunapiña tarikuspapas manan Jehová Dios serviyta saqeranchu

6:3; 7:16; 9:20-22; 10:1, 12

• Jobqa nishutan sufriran, chaymi mana allinkunataraq piensaran. Ejemplopaq, Jobqa kay jinatan niran: “Diospaqqa igual-llan kasukunkiña otaq manaña kasukunkichu chaypas”, nispa.

• Jobqa sinchi llakisqan kasharan, chaymi mana piensaranchu “kayraykuchu otaq jaqayraykuchu khaynapiqa tarikushanipas” nispa.

• Sinchi llakisqaña Job kasharan chaypas tumpaqninkunatan sut’ita niran anchatapuni Jehová Diosta munakusqanta.