INTERNETPI QELQANCHISKUNA Watchtower

INTERNETPI QELQANCHISKUNA

quechua (Cusco)

mwb16 Abril 3 página
Sumaq simikunawan jujkunata kallpachay

Diospaq kausasunchis, juñunakuypi yachanapaq (2016)

mwb16 Abril 3 página

BIBLIAPI QORI JINA YACHACHIKUYKUNA | JOB 16-20

Sumaq simikunawan jujkunata kallpachay

Consejota qospaqa kallpachanan

Jobqa llakiq ñit’isqanmi kasharan chaymi necesitaran kallpachanata.
Manan Jobpa mayqen compañeronpas kallpacharanchu, aswanpas imaymanamanta tumpaspan sonqonta k’iriranku

Bildadpa mana allinta piensaspa rimasqanmi Jobta k’irisqata sientechiran

Jobqa Diostan valekuran nanayninta pisiyachinanpaq, chaypaqmi wañuytaraq munaran.
Kausarimpuy suyakuymi Jobtaqa yanaparan Diospaq junt’aq sonqolla kananpaq.

Jobtan Elifaz rimapayashan Bildadwan Zofarwantaq qhawashanku

¿PIKUNAN JOBTA TUMPARANKU?

Elifaz:

Payqa Edompi tarikuq Temán llaqtamantan kanman karan. Jeremías 49:7 textopin willan Temán llaqtapi yachayniyoq runakuna kasqanmanta.
Payqa compañeronkunamanta kuraq allin reqsisqa runan kanman karan. Elifazmi ñaupaqtaqa rimaran, kinsa jatun discursokunatataq qoran.

¿Imamantan tumparan?

Junt’aq sonqo kasqantan iskayachiran. “Diosqa manan siervonkunapi confianchu” nillarantaqmi (Job 4, 5).
Diosta mana respetaq millay yana alma runamantan tumparan (Job 15).
Mana chaninta ruwaq qhapaq kayllapi piensaq runamantan tumparan. “Diospaqqa runaqa manan imapaqpas valenchu” nillaranqtami (Job 22).

Bildad:

Shúa runaq mirayninmantan karan. Yaqapaschá Éufrates mayu patapi tiyaran.
Paymi Elifaz tukuqtin rimaran. Paypa discursonkunaqa pisillan karan ichaqa aswan k’irikuqmi karan Elifazpa rimasqanmantaqa

¿Imamantan tumparan?

Jobpa wawankunaqa juchata ruwaspapas wañunkuman karan jinatan tumparan, jinaspapas Jobtan Diosta mana manchakuq runamanta tumparan (Job 8).
Millay runamantan tumparan (Job 18).
Diospaq junt’aq sonqo kayqa manapas imapaqpas servinmanchu jinatan rimaran (Job 25).

Zofar:

Zofarqa Naamat llaqtamantan karan, chayqa Arabiaq inti lloqsimuy wichay ladonpin tarikunman karan.
Payqa Bildad tukuqtinmi rimaran, iskay kutillataña rimaran chaypas aswan k’iriq simikunataraqmi rimaran compañeronkunaq nisqankumantaqa.

¿Imamantan tumparan?

Yanqa thautiqmantan tumparan, nirantaq juchapi puriyninta saqenanpaq (Job 11).
Jobtan yana alma runamanta tumparan, jinallataq juchapi kausaspa kusikun nispa (Job 20).