Jehová Diospa orqonman wichasun

“Jamuq [tukukuy] p’unchaykunapin”

Kay tiempopi tiyasqanchismi.

“Señor Diospa wasin orqo”

Jehová Diosta cheqaq kaywan ch’uyata adoraymi.

“Llapa suyu runakunan chayman qhochurikamunqaku [askhanpi rinqaku]”

Cheqaq adoracionpi kaqkunaqa juj nisqallan kausanku.

“Jakuchis, Señor Diospa orqonman wichasun”

Diosta cheqaq kaywan adoraqkunaqa jujkunatan invitanku paykunawan juñukunankupaq.

“Paymi ñanninkunata yachachiwasun, chay ñanninkunatataq purisunchis”

Jehová Diosqa palabranwanmi yachachiwanchis, chhaynapi ñanninpi purinanchispaq.

“Manañan auqa-tinkuypaq [guerrata] yachaqanqakuñachu”

Isaiasmi willan guerrrapaq armakuna chajrata llank’anapaq herramientakunaman tukupunanta, chaywanmi rikuchiran Diospa llaqtanqa thajpi kausananta. ¿Ima herramientakunan karan?

“Espadankumantapas yapuna rejakunatan ruwakapunqaku”

1 Rejaqa aradoq piezanmi karan, chaywanmi allpata llank’aqku. Wakinqa metalmantan karan (1 Sam. 13:20).

“Lanzankunamantapas ichhunakunatan ruwakapunqaku”

2 Chay herrramientaqa segaderaman rijch’akuq metalmanta afilasqa puntayoqmi karan, mangonman jap’ichisqa. Chaywanmi uvaspa k’allmanta wit’uqku (Is. 18:5).