Jujkunata yanapasun Jehová Diospi Jesuspi iñinankupaq Kusisqa kausay librowan

Yachachisqanchis runaqa allin iñiyniyoqmi kanan Diosta kasukunanpaqqa (Heb. 11:6). Kusisqa kausay libron yanapawasun sonqonman chayananchispaq. Chaypin kashan Bibliamanta allin textokuna, sumaq yuyaychaykuna, allinta piensachinapaq tapuykuna, sumaq fotokuna videokunapas. Sichus yachachisqanchista yanapasun munakuq, llamp’u sonqo, Diospa amigon kananpaq chayqa, allin materialwanpas wasita sayarichishasunman jinan iñiyninqa allin kanqa (1 Cor. 3:12-15).

Wakinqa sasapaqmi qhawarinku Diospa amigon kayta, payta mana rikusqankurayku. Chaymi paykunata yanapananchis Jehová Diosta reqsinankupaq paypi confianankupaqpas.

JUJKUNATA YANAPASUN JEHOVÁ DIOSPI IÑINANKUPAQ KUSISQA KAUSAY LIBROWAN NISQA VIDEOTA QHAWASPA, KAY TAPUYKUNATA KUTICHIY:

• ¿Imaynapin yachanchis hermananchis yachachinanpaq allinta preparakusqanta?

• Isaías 41:10, 13 textomanta imachus entiendesqanta imayna sientekusqantapas estudianten willakunanpaq, ¿ima tapuykunatan hermananchis ruwaran?

• ¿Imaynatan videota qhawasqanpas Bibliamanta textokunapas chay estudianteta yanaparan?

Askha runakunan mana yachankuchu imarayku Jesús wañusqanmanta, manataqmi Diospa regalonta jinachu qhawarinku (Gál. 2:20). Chaymi paykunata yanapananchis Jesuspa wañusqanpi iñinankupaq.

JUJKUNATA YANAPASUN JESUSPI IÑINANKUPAQ KUSISQA KAUSAY LIBROWAN NISQA VIDEOTA QHAWASPA, KAY TAPUYKUNATA KUTICHIY:

• ¿Imaynapin yachanchis hermanonchis yachachinanpaq allinta preparakusqanta?

• ¿Imaynatan “Astawan yachanaykipaq” nisqamanta jujnin yachachikuywan estudiantenta yanaparan?

• ¿Imaraykun Diosmanta mañakuy yachachisqanchis runata allinta yanapanman?