DIOSPAQ JINA KAUSASUN

Kusisqa kausay: Runakunata yachachinapaq mosoq qelqakuna

Kusisqan kashanchis juj mosoq librota, juj mosoq folletotawan ruwakamusqanmanta. Chaykunawanmi kunanqa Diosmanta runakunaman yachachisun. Jehová Diospa yanapaynintan mañakunanchis runakunata paymanta yachachiypi yanapawananchispaq (Mat. 28:18-20; 1 Cor. 3:6-9). ¿Imaynatan chay qelqakunawan runakunata yachachisunman?

Kay mosoq librowan kay mosoq folletowanqa manan ñaupaqpi jinañachu yachachisun. Chaymi preparakushaspapas yachachishaspapas kaykunata ruwananchis:a

Chay yachachikuyta leeychis, chaypi kaq tapuykunamantataq parlaychis.
Chaypi kaq Bibliamanta textokunata leeychis, jinaspa imachus nisqanta allinta entiendechiy.
Chaypi kaq videokunata qhawaychis, jinaspa chaypi kaq tapuykunata tapuy.
Sapa kuti estudiasqaykichispin juj yachachikuyta tukunaykichis.

Chayllaraq piwanpas rimashaspaqa folletotan munachinayki (qhaway 16 paginapi “Imaynatan munachisunman Kusisqa kausay folletota chayllaraq rimasqanchis runaman” nisqata). Sichus folletota estudiayta tukusqaykichis qhepaman astawan yachayta munan chayqa, librotañataqmi estudiayta qallariwaqchis tawa kaq yachachikuymanta. Sichus piwanpas estudiashankiña juj qelqanchiskunawan chayqa, Kusisqa kausay nisqa libromanmi pasanayki. Sapankanchisñan qhawarinanchis kanqa mayqen yachachikuymantachus qallarisunman chaytaqa.

Chay casarasqa iñiqmasikunan “Kusisqa kausay” folletowan chay waynata wasinpi Bibliamanta yachachishanku.

ALLINPUNI BIBLIAMANTA YACHAY MUNASQAYKIQA NISQA VIDEOTA QHAWASPA KAY TAPUYKUNATA KUTICHIY:

¿Imatan estudiantekuna mosoq librowan yachanqaku?
¿Imanaqtinmi kay videota yachachisqanchis runakunaman qhawachinanchis?
¿Imakunata ruwananpaqmi yachachisqayki runata niwaq? (Qhaway “Aswan allin yachachikuykuna, Imakunatan ruwananchis” nisqata).

a WILLAKUY: “Astawan yachanaykipaq” nisqa parteta maynillanpiña yachachisqayki runawan estudiawaq chaypas, llapantan preparakunayki. Chhaynapin yachanki mayqen partechus yachachisqayki runata yanapanman chayta. Tabletninchispipas celularninchispipas chay libro kashan chayqa facil-llatan videokunatapas juj qelqakunatapas qhawachisunman.

ASWAN ALLIN YACHACHIKUYKUNA, IMAKUNATAN RUWANANCHIS
	YACHACHIKUYKUNA	ASWAN ALLIN YACHACHIKUYKUNA	YACHACHISQANCHIS RUNAKUNAQ RUWANANPAQ
1	1-12	Yachachisqayki runan entiendenqa Bibliamanta yachasqan allinninpaq kasqanta, yanapanqan Diosta allinta reqsinanpaq.	Kallpachay Bibliata leenanpaq, preparakunanpaq, juñunakuykunaman jamunanpaqpas.
2	13-33	Yachachisqayki runan yachanqa imatachus noqanchisrayku Diospa ruwasqanta, imaynata payta servinanchistapas.	Kallpachay yachasqanta jujkunaman willananpaq, noqanchiswan kuska Diosmanta willaq rinanpaqpas.
3	34-47	Yachachisqayki runatan yanapanqa Diospa munasqanman jina kausananpaq.	Kallpachay Jehová Diosta servinanpaq bautizakunanpaqpas.
4	48-60	Yachachisqayki runatan yanapanqa imapiña tarikuspapas Diosta servishanallanpaq.	Allinta yachachiy allin kaqta mana allin kaqta reparananpaq, iñiyninpi wiñananpaqpas.