¿IMAYNATAN CHEQNINAKUYTA CHINKACHISUNMAN?
1 | Ama pimanpas sayapakuychu
Bibliapin nin:
“Allintan entiendeni Diosqa lliutapas igual-llata rikusqanta, payta manchakuspa allin kaqta ruwaq runakunataqa may nacionmantaña kanku chaypas sumaqta chaskisqantawan”, nispa (HECHOS 10:34, 35).
¿Imatan chaywan nishan?
Jehováa Diosqa mayqen runatapas chaskillanmi serviqnin kananpaq, payqa manan ninchu: “Kay runaqa waj llaqtamantan”, nispaqa. Payqa imaynachus kasqanchistan qhawamun, Bibliapin nin: “Runallan rijch’aynintaqa qhawan, noqan ichaqa sonqonta qhawani”, nispa (1 Samuel 16:7).
Kayta ruway:
Manaña jujkunaq sonqonta qhawayta atisunmanchu chaypas, Jehová Dios jinan jujkunata igual-llata rikunanchis. “Chay runakunaqa chhaynapunin kanku” ninanchismantaqa sapanka runatan allinta reqsinanchis. Sichus jujkunata mana allinpaq qhawarinki waj llaqtayoq kasqanrayku chayqa, Diosmanta mañakuy ama chhaynata piensanaykipaq (Salmos 139:23, 24). Diosqa yanapasunkin amaña cheqnikunaykipaq (1 Pedro 3:12).
a Jehová nisqan Diospa sutinqa (Salmos 83:18, Traducción del Nuevo Mundo).
“Ñaupaqqa manan yuraq runakunawanqa rimaqchu kani. Chaypin yacharani Testigokunaqa cheqaqtapuni munanakusqankuta” (TITUS)