QALLARIYPI KAQ
Internetpi Bibliamanta yachay
Bibliata LEEY 50 simikunapi hinallataq Bibliamanta qelqakunatapas 500 más simikunapi.
KASHALLANTAQMI yaqa 70 nacionkunamanta makiwan rimaykunapas.
Kashanmi pachakninpi simikuna, mayqen simitapas AKLLAKUY.
Bibliamanta sonqoman chayaq grabacionkunata UYARIY.
Dibujokunata qhawaspa Bibliapi willakuykunamanta YACHAY.
Bibliamanta peliculakunata, sasachakuykunata imayna atipaymanta videokunatapas QHAWAY.
Gratislla HORQOY librokunata, revistakunata, grabacionkunatapas.
INTERNETPI QELQAKUNA nisqamanpas haykuy, chaypin 100 más simikunapi imaymana qelqakunata TARINKI.
CASARASQAKUNAPAQ
“Munanin familiay kusisqa kananta. Ichaqa ñoqapaqpas esposaypaqpas sasan kawsay kashan, astawanqa wawaykuna nacesqankumantapacha. Allinmi kanman pipas yanapawaqtinkuqa”
BIBLIAN NIN:
“Yachay kaqtinmi wasiqa perqakun, allin yuyay kaqtinmi qaqata sayan” (Proverbios 24:3)
¿IMAKUNATAN JW.ORG NISQAPI TARIWAQ?
“Familiapaq allin yachachikuykuna” nisqa t’aqan Qhawaq revistapi lloqsimun, “Familiakunapaq yanapaykuna” nisqa t’aqataq ¡Rikch’ariy! revistapi, chay revistakunaqa Internetpipas kashanmi, chaykunapin tarinki:
Chayllaraq casarasqakunapaq yanapayta
¿Imaynatan suegroykikunawan kawsawaq?
¿Imaynatan wawaykikunata wanachiwaq?
¿Imatan ruwawaqchis mana ch’aqwaspalla kawsanaykichispaq?
¿Imatan ruwawaqchis manupi tarikuspa?
(Ñit’iykuy QELQAKUNA > REVISTAKUNA nisqapi)
Familiaykiwan sumaqta kawsay nisqa libropi wakin yanapaykunan kaykuna: ¿Imaynatan preparakunayki casarakunaykipaq? Casarasqakuna, ¿imaynatan kurak tayta-mamaykichista cuidanaykichis?
(Chay librotaqa tarinki www.pr2711.com/quz nisqapin. Ñit’iykuy QELQAKUNA > LIBROKUNA FOLLETOKUNA nisqapi)
TAYTA-MAMAKUNAPAQ
“Ñoqaqa anchatan wawaykunata munakuni, chaymi munani wiñaspanku allin runa kanankuta”
BIBLIAN NIN:
“Wawata yachachiy imaynatachus kawsananpaq, machuyapuspapas manapunin chaytaqa qonqanqachu” (Proverbios 22:6)
¿IMAKUNATAN JW.ORG NISQAPI TARIWAQ?
“Niños” nisqa t’aqapiqa Bibliamanta dibujokunayoq willakuykunata, videokunata, Bibliamanta yachachikuykunata iman tarinki, chaykunan wawaykikunata yanapanqa . . .
. . . kasukuq kanankupaq
. . . sumaq sonqo kanankupaq
. . . hukkunawan allinta kawsanankupaq
. . . “gracias” niyta yachanankupaq
(Ñit’iykuy ENSEÑANZAS BÍBLICAS > NIÑOS nisqapi, español simipi)
Bibliamanta willakuq libroy nisqa libropiqa imaymana dibujokunan kashan, chay librokunaqa wawaykichiswan kuska leenaykichispaqmi.
(Chay librotan tarinki www.pr2711.com/quz, nisqapi. Ñit’iykuy QELQAKUNA > LIBROKUNA FOLLETOKUNA nisqapi)
WAYNA-SIPASKUNAPAQ
“Sasachakuykunapin kashani, tayta-mamaywan, amigoykunawan, sipaskunawan, escuelaypi ima, chaymi yanapayta necesitani. Manan k’amiwanankutachu munani aswanpas yanapawanankutan munani. Manan wawañachu kani”
BIBLIAN NIN:
“Wayna sipas, kusikuy, warmallaraq kashaspayki” (Eclesiastés 11:9)
¿IMAKUNATAN JW.ORG NISQAPI TARIWAQ?
“Jóvenes” nisqa t’aqapiqa kashanmi wayna-sipaskunapaq yachachikuykuna videokunapas, chaykunan paykunata yanapanqa . . .
. . . mana sapallanku sientekunankupaq
. . . escuelapi sasachakuykunata allichanankupaq
. . . wasinkupi kamachikuykunata kasukunankupaq
. . . burlakuqtinku otaq abusayta munaqtinku imata ruwanankupaq
(Ñit’iykuy ENSEÑANZAS BÍBLICAS > JÓVENES nisqapi, español simipi)
Wayna-sipaskunapaqqa kanmi iskay librokuna, sutinmi Lo que los jóvenes preguntan. Respuestas prácticas nisqa, chay librokunaqa 77 tapuykunatan kutichin.
(Chay librokunaqa kashallantaqmi www.pr2711.com/es nisqapi. Ñit’iykuy PUBLICACIONES > LIBROS Y FOLLETOS nisqapi, español simipi)
BIBLIAMANTA YACHAYTA MUNAQKUNAPAQ
Munanin Bibliaq yachachisqankunata entiendeyta, ichaqa manan atinichu maymanta qallariyta”
BIBLIAN NIN:
“Diospa Simin Qelqakunaqa llapallanmi Diospa yuyaychasqan, chayraykun allinpuni yachachinapaq” (2 Timoteo 3:16)
¿IMAKUNATAN JW.ORG NISQAPI TARIWAQ?
Traducción del Nuevo Mundo de las Santas Escrituras nisqa Bibliaqa k’apak t’ikrasqan kashan, facilta leenapaq hinalla.
(Ñit’iykuy PUBLICACIONES > BIBLIA nisqapi, español simipi)
“Bibliamanta tapukuykuna” nisqa t’aqan Qhawaq revistapi lloqsimun, kay revistaqa Internetpipas kashanmi, chaypin askha tapuykunaq kutichiyninta tarinki, wakinmi kaykuna: ¿Pin kay pachaman thak kayta apamunqa? ¿Pitaq Saqratari kamarqan?
(Ñit’iykuy QELQAKUNA > REVISTAKUNA nisqapi)
Sichus munanki Biblia estudiayta chayqa, “Gratislla Bibliamanta Estudiota Mañakuy” nisqaman haykuy.
(Ñit’iykuy “Bibliamanta Estudiota Mañakuy” nisqata, chayqa qallariynillanpin kashan)
“Mana entiendesqayraykun manaña Bibliata leepurqaniñachu. Ichaqa ‘¿Imatapunin Biblia yachachin?’ nisqa libroq yanapayninwan estudiaspan repararqani fácil entiendeylla kasqanta” (Christina)
Sapa p’unchaymi yaqa 700.000 runakuna Internetpi jw.org nisqaman haykunku. Qanpas haykuwaqmi