QALLARIYPI KAQ | ¿SERVINMANRAQCHU BIBLIA KAY TIEMPOPI?
Tukuy tiempopaq yachachikuykuna: Munakuq kanapaq
BIBLIAQ YACHACHISQAN. “Munakuq sonqo kaychis, munakuymi tukuy imatapas sumaqta hukllaman tukuchin” (Colosenses 3:14).
CHAYQA ALLINNINCHISPAQMI. Bibliaqa rimanmi warmi-qhari munanakuymanta, chay munakuyqa chiriyapullanmi. Ichaqa astawanqa riman huk clase munanakuymantan, chay munanakuyqa khuyapayakuq kaywan, perdonakuq kaywan, humilde kaywan, sumaq sonqo kaywan, pacienciakuq kaywan iman kanan (Miqueas 6:8; Colosenses 3:12, 13). Chay hina munakuyqa astawanmi wiñan.
Brendaqa yaqa 30 watañan casarasqa kashan, ninmi: “Casarasqakuna qallariypi munanakusqankuqa manan imapaschu askha watakunaq pasasqan qhepaman munanakusqankuwanqa”, nispa.
Samqa 12 wata masñan casarasqa kashan, ninmi: “Anchatan admirakuyku Bibliapi consejokuna imaynata yanapawasqankumanta. Chaykunata kasukuqtinchisqa aswan allintan imapas ruwakun, mayninpin ichaqa sayk’usqa kasqayrayku, otaq ñoqallapi piensasqayrayku mana atirunichu. Chay ratopin Diosmanta orakuni yanapawananpaq, chaymantataqmi esposayta abrazaykuni; chhaynapin manapas imapas pasanmanchu hina sientekuyku”, nispa.
“Diospa yachayninqa ruwasqankunawanmi reqsichikun”
Jesusmi nirqan: “Diospa yachayninqa ruwasqankunawanmi reqsichikun”, nispa (Mateo 11:19). Arí, Biblia yachaywan qelqasqa kasqantaqa reparanchis consejonkuna yanapawasqanchispin. Bibliaqa tukuy tiempopaqmi servin, hinaspapas llapa runakunapaqmi. Diosqa allintapunin runakunata reqsin, chaymi Bibliaqa runakunapaq hinapuni. Ichaqa Biblia may allinpuni kasqanta reparanapaqqa chaypi nisqanman hinan kawsananchis. Biblian nin: “Rikuychis may sumaqchus Señor Diosqa kashasqanta”, nispa (Salmo 34:8). ¿Munawaqchu chayta reparayta?