Agradecekuq kaymanta

¿Imaynatan saludninchispi yanapawasunman?

¿IMA NINKUN MEDICOKUNA?

Juj libroq nisqanman jina, “agradecekuq kayqa yanapawanchismi kusisqa kausanapaq. Agradecido runakunaqa manan ratullachu desanimakunku, kusikuytan tarinku, allin saludniyoqmi kanku, ima problemapiña tarikuspapas atipankun, allin amigokunayoqtaqmi kankupas” (Harvard Mental Health Letter).

¿IMATAN BIBLIA YACHACHIN?

Bibliaqa agracedekuq kanapaqmi kallpachawanchis, apóstol Pablo niran: “Agradecekuq kaychis”, nispa. Jinaspapas pay kikinmi allin ejemplo karan. Payqa Diostan “gracias” niqpuni pipas predicasqanta sumaqta chaskikuqtinqa (Colosenses 3:15; 1 Tesalonicenses 2:13). Kusisqalla kausanapaqqa agradecido runan kana, manan “gracias” nispallachu nina. Chhayna kaspaqa manan suyasunchu jujkuna especialta tratawananchista, manan envidiakusunchu nitaq sintipakusunchu. Chhaynapin jujkunamanta mana karunchakusunchu.

Kamaqninchis Diosqa allin ejemplotan qowanchis. Hebreos 6:10 nin: “Diosqa chaninpunin, payqa manapunin qonqanqachu imachus ruwasqaykichista sutinta munakusqaykichistapas”, nispa. Chaypin yachanchis Diospaqqa mana agradecekuq kayqa mana chanin kasqanta.

“Kusisqallapuni kashaychis. Tukuy imamanta graciastapas qoshallaychispuni” (1 Tesalonicenses 5:16, 18)

¿Imaynatan agradecido kay jujkunawan allinta kausanapaq yanapawanchis?

EXPERIENCIA YACHACHIWANCHIS.

Pipas regalota qowaqtinchis, sumaq simikunata niwaqtinchis otaq yanapawasqanchisrayku sonqomanta agradecekunchis chayqa, munasqata valorasqata iman sientechinchis. Mana reqsisqa runakunapas kusisqan sientekunku. Ejemplopaq punkuta kichariwasqanchismanta agracedecekuqtinchis.

¿IMATAN BIBLIA YACHACHIN?

Jesusmi niran: “Qoshallaychis jujkunaman, chhaynapin qankunamanpas qosunkichis. Qhasqoykichis bolsillopin jich’aykusunkichis llasaqta, allin ñit’isqata, chhafchisqata, junt’ay-junt’ata”, nispa (Lucas 6:38). Vanuatu nacionmanta Rose sutiyoq sipaschamanta rimasun, payqa roqt’un.

Roseqa Jehová Diospa testigonkunaq juñunakuyninkumanmi riq, ichaqa manan beneficiakuqchu makiwan rimayta mana yachasqanrayku, jujkunapas manan yacharankuchu. Ichaqa juj kutinmi makiwan rimayta yachaq casado hermanokuna iñiq t’aqanman visitasqaku. Paykunan Roseta qhawarispa, juj cursota organizaranku makiwan rimayta yachanankupaq. Chaymantan Roseqa agradecesqa kasharan, niranmi: “Ancha kusisqan kashani askha amigokunayoq kasqayrayku, paykunaqa munakuwankun”, nispa. Paypa agradecekusqanta rikuspa, iñiq t’aqapipas participasqanta rikuspan chay matrimonioqa kusisqa kasharanku. Roseqa anchatan valoran jujkuna makiwan rimayta yachanankupaq sacrificiokuna ruwasqankuta rikuspa (Hechos 20:35).

“Gracias qoy sacrificiota jaywaqniyqa jatunchawanmi” (Salmo 50:23)

¿Imaynapin agradecekuq sonqo kasunman?

¿IMATAN BIBLIA YACHACHIN?

Runakunaqa imachus piensasqanchisman jinan sientekunchis. Biblia qelqaq Davidmi oracionpi Diosta niran: “Ñaupa p’unchaykunatan yuyarini, tukuy ruwasqaykikunatan yuyaymanani, makiykiq ruwasqankunatan qhawarini”, nispa (Salmo 143:5). Davidqa tukuy tiempon anchata yuyaymanaq Diospa ruwasqankunapi, chaymi yanaparan agradecido runa kananpaq (Salmo 71:5, 17).

Biblian niwanchis “tukuy cheqaq kaqpi, [...] tukuy munakuyman apaq kaqpi, tukuy allin qhawarisqa kayman apaq kaqpi, tukuy allin kaqkunapi, lliu imapas jatunchanapaq jina kaqkunapi” ima ‘piensashanallanchispaq’ (Filipenses 4:8). “Piensashallaychis” nisqa simiqa chaykunapi yuyaymanay ancha importante kasqanmantan rimashan. Chayta ruwaspaqa ancha agradecekuq runan kasun.

“Tukuy ruwasqankunapin yuyaymanasaq, ruwasqankunatan yuyarisaq” (Salmo 77:12)