Jesuspa Wañupusqanta Yuyarina P’unchaypi

1. ¿Ima ruwayta atisunchis Jesuspa Wañupusqanta Yuyarina P’unchaypi?

¹ 14 abril killapin Jesuspa Wañupusqanta Yuyarisunchis. Chay p’unchaypin Jehová Diosman agradecido kasqanchista rikuchisunmanpas yapasunmanpas. Lucas 17:11-18 texton rikuchin Jehová Diospas Jesuspas agradecido kayta imayna qhawarisqankuta. ¡May llakikunapaqmi karqan chunka leprayoq runakunamanta huknillan agradecekuq kutimusqanqa! Hamuq tiempopin Diosqa kacharichiy qowasqanchiswan imaymana onqoykunata chinkachinqa, wiñay kawsaytapas qowasunchis. Chaykunamantaqa sapa p’unchaymi agradecekusunchis. Ichaqa, ¿imaynatan kay hamuq semanakunapi rikuchisunman agradecido kasqanchista?

2. ¿Imaynatan yapasunman agradecido kasqanchista?

² Agradecido kasqanchista yapasun. Yuyaymanaspallan agradecido kasqanchistaqa yapasunman. Kacharichiy qowasqanchismantan agradecekunanchispaqqa allinmi kanman Jesuspa Wañupusqan Yuyarina semanapaq Bibliata leenapaq programata qatipay, chayta tarisunman almanaquenchispi, Diospa Siminta sapa p’unchay t’aqwisun folletopipas. Familiantin chayta ruwasun chayqa, yanapawasunmi kacharichiymanta astawan agradecekunanchispaq, allinta kawsananchispaqpas (2 Cor. 5:14, 15; 1 Juan 4:11).

3. ¿Imakunata ruwaspan agradecido kasqanchista rikuchisunman?

³ Agradecido kasqanchista rikuchisun. Ruwaywanmi agradecido kaytaqa rikuchinchis (Col. 3:15). Lepra onqoyninmanta qhaliyaq runaqa Jesustan maskharqan agradecekunanpaq. Hukkunamanpas willarqanchá qhaliyasqanmanta (Luc. 6:45). Ñoqanchispas chay runa hinan agradecido kasqanchista rikuchisunman Jesuspa Wañupusqanta Yuyarinapaq invitacionkunata tukuy sonqowan rakimuspa. Yaqapaschá precursor auxiliarta hap’isunman otaq predicayninchista yapasunman. Chay huñunakuypi kashaspataq agradecido kasqanchista rikuchisunman hamuqkunata sumaqta chaskispa tapukuyninkunamanpas kutichispa.

4. Jesuspa Wañupusqan Yuyarina P’unchaypi, ¿ima ruwaymi allinpuni kanqa?

⁴ ¿Kay kutillatawanñachu Jesuspa Wañupusqanta Yuyarisunchis? (1 Cor. 11:26.) Mana yachanchischu. Chay p’unchaymi ichaqa allinpunin kanqa agradecido kasqanchista rikuchinanchispaq. Chay hinaqa, rimasqanchispas sonqonchispi yuyaykusqanchispas Jehová Diosta kusichinapaq hinapuni kachun (Sal. 19:14).