Lección 1

Imaynatan yachawaq Diospa munasqanta

¿Ima importante willaykunan Bibliapi tarikun? (1)

¿Piqpa yuyaychasqantaq Bibliari? (2)

¿Imaraykun Bibliata estudianayki? (3)

1. Bibliaqa Diospa sumaq regalo qosqanmi. Munakuq taytaq churinkunaman carta qelqasqan hina. Diosmantan cheqaqta willawanchis: pi kasqanta imakuna kamachikusqantapas. Yachachinmi problemakuna atipayta kusisqa kawsaytapas. Bibliallan willawanchis Diospa munasqanman hina ima ruwananchistapas (Salmo 1:1-3; Isaías 48:17, 18.)

2. Tawachunka runakunan Bibliataqa qelqaranku 1,600 watapi, 1513 a.E.C. watamantapacha. Llapanpiqa 66 librochakunan. Biblia qelqaqkunataqa Diosmi yuyaycharan, chaymi qelqaranku Diospa yuyayninta, manan kikinkuq yuyaynintachu. Chayraykun Biblia Yuyaychaqqa cielopi Dios, manan Allpapi runachu. (2 Timoteo 3:16, 17; 2 Pedro 1:20, 21.)

3. Diosmi asegurakuran kaqllata Bibliata copiakunanpaq waqaychakunanpaqpas. Manan ima librotapas Bibliata hina askhanpiqa ruwankuchu. Manan llapankuchu kusikunqaku Biblia estudiasqaykimantaqa, ama chaywanqa hark’achikuychu. Hark’ashaqtinkupas Diosta reqsispa munasqanta ruwaspan wiñay kawsaytaqa chaskinki. (Mateo 5:10-12; Juan 17:3.)