Kusa rimaq allin yachachiq kanapaq yachachikuykunamanta willakuy

KAY libropi yachachikuykunaqa llapapaqmi ruwasqa kashan: wayna-sipaskunapaq, yuyaqkunapaq, qharikunapaq, warmikunapaq ima. Chaymi yanapasunki Diospa Siminmanta allin yachachiq kanaykipaq.

Bibliamanta Allin Yachachiq Kanapaq Escuelapi umallin matriculasqakunaman tupachinqa discursokunata otaq demostracionkunata. Qatimuq kinsa paginakunapin tarinki kusa rimaq kanapaq yachachikuykunamanta listata. Sapanka yachachikuypaqmi huk número churasqa kashan. Qatimuq paginakunapitaq willakushan chaykuna imarayku importante kasqanmanta, imayna ruwanamantawan.

Chay listapiqa kallantaqmi kinsa colorkuna: 1) leemuqkunapaq, 2) demostración ruwaqkunapaq (demostracionkunataqa iskaymanta otaq aswan askhamantapas ruwankumanmi), 3) discurso qoqkunapaqpas. Sapanka yachachikuytaqa mayqen colorwanchus tupasqanman hinan ruwakunan. Escuelapi umallin nisunki mayqen yachachikuyman hina ruwanaykita. Sapanka yachachikuypa tukuyninpin tareata ruwana, kallpachakuy chayta ruwanaykipaq. Allinta ruwanki chayqa, umallin nisunki huktañataq ruwanaykipaq.

Demostracionkunata maypichus piwanchus kashawaq hina ruwanaykipaqqa 82 paginapin huk lista kashan. Ichaqa chaypi mana rikhurisqanmantapas ruwallawaqmi. Umallin chaykunamanta hukninta tupachisunkiman astawan yachanaykipaq, otaq qan akllakunaykipaq nisunkiman.

Manaña discursoyki otaq demostracionniyki tupasunkichu chaypas, estudiawaqmi kay libropi yachachikuykunata, sapa semanapi hukllatapas. Chhaynapin ratolla ñawparinki yachachiypi kusa rimaypipas.

Unayña Escuelapi kashaqkunapas, unayña predicaqkunapas astawanmi ñawparinkuman yachachiyninkupi. Chayrayku kallpachakuy Bibliamanta Allin Yachachiq Kanapaq Escuelawan allinta yanapachikunaykipaq.