¿Imatan ruwananchis Diosta kusichinapaq?

Ama Diospa cheqnisqan kaqkunata ruwaychu (1 Corintios 6:9, 10).

Diosta munakusun chayqa manan ima mana allintapas ruwasunchu.

Payqa manan munanchu suwakunanchista, machananchista, coca pijchananchista ni drogakunanchistapas.

Diosqa cheqnikunmi wijsapi wawa wañuchiyta, qharipura warmipura qhellikuna ruwayta, qolqe sonqo kayta, wañuchinakuyta, maqanakuytapas.

Manan idolokunata yupaychananchischu nitaq watuypipas ni layqa ruwaypipas purinanchischu.

Chaykunata ruwaq runakunaqa manan kay jallp’a paraíso kaqtinqa chaypichu tiyanqaku.

Jujkunapaq allin kaqkunata ruwapuy (Mateo 7:12).

Jehová Diosqa pay jina kananchispaq kallpachakunanchistan munan.

Qoykukuqmi sumaq sonqon kanayki, chhaynapin munakuq kasqaykita rikuchinki.

Honrado runan kanayki.

Diosmanta jujkunaman rimapayay (Isaías 43:10).

Yachanaykin jujkuna perdonayta.