¿Imaynatan yanapasunkiman Huñunakuna Wasipi biblioteca?

¿Munawaqchu Bibliamanta astawan yachayta? ¿Yanapasunkimanchu Biblia ima sasachakuyniykitapas allichanaykipaq? ¿Munawaqchu yachayta Bibliapi huk versiculomanta, huk runamanta, huk llaqtamanta otaq imapas sucedesqanmanta? Chhayna kaqtinqa Huñunakuna Wasi bibliotecapin chaykunata t’aqwiriwaq.

Bibliotecapiqa allin yanapaykunan kashan. Yaqapaschá Testigokunaq horqosqanku qelqakunata mana llapantachu wasiykipi hap’ishanki. Huñunakuna Wasipin ichaqa yaqa llapa chayllaraq lloqsimuq qelqakuna kashan. Yaqapaschá kashan huk Bibliakuna, huk allin diccionario, t’aqwirinapaq qelqakunapas. Chaykunataqa manaraq huñunakuy qallarishaqtin otaq tukusqan qhepamanmi t’aqwiriwaq. Huk computadora kashan chayqa, yaqapaschá Watchtower Library nisqa programa instalasqa kashan, chaypiqa yaqa llapa qelqaykun tarikun. Chaypin facilta maskhaspa t’aqwiriwaq huk temata, huk simita otaq huk textota.

Matriculasqakunatan anchata yanapan Diospaq kausasunchis huñunakuy. Chaypaqmi huñunakunayku wasipi kan huk Biblioteca, chaypi qelqakunan yanapasunki parteykita preparakunaykipaq. Diospaq kausasunchis huñunakuypi umalliqmi chay bibliotecata qhawarin, paymi chayllaraq lloqsimuq qelqakunata churan sumaqtataq allichanpas. Pay otaq yachachiqniykin yanapasunki munasqayki temata tarinaykipaq. Ichaqa yuyariy, chaypi qelqakunataqa manan wasiykiman apanaykichu, sumaqllatan hap’inayki, manataqmi marcanaykichu.

Biblian willan Diospa yachachikuyninta tarinapaqqa “chaniyoq pakasqa illakunata hina” maskhananchis kasqanta (Proverbios 2:1-5). Huñunakuna Wasipi bibliotecan anchata yanapasunki chayta ruwanaykipaq.

• ¿Ima yanapaykunan kashan bibliotecapi?

• ¿Pin yanapasunkiman bibliotecapi ima tematapas t’aqwirinaykipaq?