¿Jayk’aqllapas tukukunmanchu ñak’ariykuna?
¿Imaniwaqmi?
“Arí” niwaqchu
“Manan” niwaqchu
“Yaqapaschá” niwaqchu
BIBLIAN NIN:
“Diosmi runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu”, nispa (Apocalipsis 21:4, Mosoq Pacha Biblia).
¿IMARAYKUN CHAYPI NISQAN ALLIN WILLAKUY?
Diosqa manan juchayoqchu ñak’ariykuna kasqanmantaqa (Santiago 1:13).
Jehová Diosqa yachanmi ñak’ariypi tarikusqanchista (Zacarías 2:8).
Jamuq tiempopiqa manan ima ñak’ariypas kanqañachu (Salmos 37:9-11).
¿CONFIASUNMANCHU BIBLIAQ NISQANPI?
Arí confiasunmanmi, ichaqa ¿imaraykun confiananchis?
Diosqa cheqnikunmi ñak’ariyta mana chanin ruwaytapas. Jehová Diosqa maytan llakikuq ñaupa tiempopi serviqninkunata ñak’arichisqankuta rikuspa. “Israel runakunata enemigonkuna waqachisqanta sufrichisqanta rikuspan” paykunata khuyapayaq (Jueces 2:18).
Diosqa cheqnikuqmi runamasinta ñak’arichiq runakunataqa. Arí, cheqnikunmi “mana juchayoq runaq yawarnin jich’aq makitaqa” (Proverbios 6:16, 17).
Diosqa sapankanchismantan llakikun. Yaqapaschá piensasunman mana pipas ima ñak’ariyninchistapas yachananpaq, ichaqa manan chhaynachu, Jehová Diospas yachanmi ñak’arisqanchistaqa, yachanmi sonqonchispi nanaykunatapas (2 Crónicas 6:29, 30).
Diospa gobiernonmi pisi tiempollamanta ñak’ariykunata tukuchinqa (Mateo 6:9, 10). Chay tiempo chayamunankaman ichaqa pay sonqo runakunata sumaqta sonqochashan (Hechos 17:27; 2 Corintios 1:3, 4).
KAYPI PIENSARIY
¿Imaraykun Dios jinallata qhawashanman ñak’ariykuna kananta?
Chayta yachanaykipaq leey: ROMANOS 5:12; 2 PEDRO 3:9 textokunata.