¿Kausarimpunkumanchu wañupuqkuna?

¿Imaniwaqmi?

BIBLIAN NIN:

“Wañusqakunaqa […] kausarimpunqakun”, nispa (Hechos 24:15, Mosoq Pacha Biblia).

Mayqen familianchispas amigonchispas wañupuqtinmi kallpata tarisun chay llakita aguantananchispaq (2 Corintios 1:3, 4).

Manañan wañuyta manchakusunchu (Hebreos 2:15).

Wañupuqninchis runawanmi jujmanta tupasunchis (Juan 5:28, 29).

Arí confiasunmanmi, ichaqa ¿imaraykun confiananchis?

Diosmi kausaytaqa paqarichirqan. Bibliapin Jehová Diosmanta nin: “Qanmantan kausayqa paqarimun”, nispa (Salmos 36:9; Hechos 17:24, 25). Diosmantataq kausay paqarimun chayqa, ¿manachu wañupuqkunaman wajmanta kausayta qoyta atinman?
Diosqa kausarichirqanñan wakin wañupuqkunata. Biblian willashan pusaq runakunata kausarichisqanmanta. Paykunamantan karqan waynakuna, kuraqkuna, qharikuna, warmikunapas. Wakinqa chayllaraqmi wañupusqaku, jujninmi ichaqa tawa p’unchayña wañusqa kasharqan (Juan 11:39-44).
Diosqa maytapunin munashan wañusqakunata kausarichimpuyta. Jehová Diosqa enemigonta jinan wañuyta qhawarin (1 Corintios 15:26). Chayraykun chay enemigota chinkachinqa, chaytaqa ruwanqa wañusqakunata kausarichispan. Diosqa munashanpunin yuyayninpi kaqkunata kausarichimpuyta kay pachapi tiyanankupaq (Job 14:14, 15).

¿Imanaqtinmi machuyanchispas wañunchispas?

Chayta yachanaykipaq leey: GÉNESIS 3:17-19; ROMANOS 5:12 textokunata.